اختي ام خالد صرلي ثمان سنوات بعاني من وساوس قهرية واحساس بالموت اللي منتظرني لحظة بلحظتها الامر اللي شلني عن مماسرات الحياة العادية وكره اقرب المقربين فيني لاني ما بقدر ابقى وحدي ولا امشي وحدي ودايما تعبانة وما حدا بيحبني وما تقولولي لا مبلى؟
امي ما حبتني وبينتلي حبها الا بعد 28 سنة بعد ما تزوجت وبعدت عنها صرت انا ببلد وهي ببلد بتحكيني عالانترنت وبتقيل اشتقتلك وانا يوم اللي بدي سافر متت عشان اسمع منها الله يرضى عليكي.
مع زوجي مش عارفة شو عم يصير بيحبني وحنون كتير وانا بحبه في الله واخترته دونا عن عشرات الناس وما عارفة شو اللي عم يصير كل يوم بتزداد مشاكلنا اكتر ومنتصالح ومنبكي وكل واحد بيعترف للتاني انه مش قادر يبعد عن التاني ولو لحظة؟
تاني يوم بتلاقينا اكتر من اللي قبله وعلى طرف شعرة من الطلاق.

تعبت يا اختي انا تعبت والله تعبت مش قادرة اتحرك ببيتي ولا اعمل شي جسمي كله بيوجعني وما في مين اشكيله ومين يساعدني وفضفضله واحكي معه واتسلى وبدل جو..
كل الناس اذا ما انا سالت عنهم ما حدا بيسال عني حتى هون بالمنتدى.
صرت غار من كل حدا بيردوا عليه شخصيات المنتدى والمشرفين وحس انهم مستقصدين انهم ما يردوا علي لاني مش قد مقام ردهم.
.بعرف انه تفكير غير منطقي بس معذبني.
تعبانة وبس ما بعرف قول الا هيك.

__________________
اذا لم تجد عدلاً في محكمة الدنيا.. فارفع ملفك لمحكمة الآخرة ، فإن الشهود ملائكة والدعوى محفوظة.. والقاضي احكـــــم الحاكميـــــــن