اختي رايت ردك بالصفحة السابقة وغضبت جداااا
لاتقولي مثل هذا الكلام ارجوكي
الحياة امامك
عالاقل ان كنتي تريدين العيش مع اي انسان والسلام
فعيشي مع انسان صاحب خلق ودين ومحافظ عليكي
مش انسان متل هادا
واهلك بيحكو هيك عشان يخوفوكي
بالنهاية لما تتزوجيه
وتكون حياتك تعيسة
اهلك ماراح ينفعوكي
لانو لا يألم الجرح الا من به الم
وان اتيتي اليهم طالبة الطلاق
راح يعاملوكي بنفس الطريقة ويخوفوكي من الطلاق ويقولو الك تصبري والبنت مالها الا زوجها
يعني بالنهاية انت الخسرانة وبس
فالله يهديكي الله يخليكي ارجوكي ماتعملي هيك بروحك
والشخص الي راح مابعرف قصتو ممكن تعيطيني رابط الموضوع
ومهما كان صدقيني الله بعوضك خير إن شاء الله
فقط اخلصي النية واتركي هالشخص
ومين قال انو الحب الي بيجي مافيه غيرو؟
والله غلط
مهما حبيتي وماصار نصيب
بتتاثري صح وبتزعلي
بس لما يجيكي انسان رائع ويحبك بتنسي او عالاقل بتهون عليكي
وبتحسي انو الك نصيب بالسعادة
ماتربطي سعادتك بانسان راح وبعد عنك
وماصار بينكو نصيب
الان ابتعدي عن هالشخص
لسوء خلقه
وادعي ربك يرزقك الانسان الصالح الي في النصيب الجيد
سواء كان الانسان الاول او غيره
يعني لو انك الان خطيبك الحالي
انسان خلوق وطيب وبحبك كتير وحنون
صدقيني كان عوضك خير وانبسطتي
لكن انت مشاعرك هيك بسبب انو انسان سيئ
ابتعدي عنو وبتشوفي الله بعوضك
ثم انو انت لسة مشاعرك ملخطبة لانو لسة مااستقريتي ونفسيتك تعبانة من الموضوع القديم
افسخي الخطوبة ثم اعطي نفسك فرصة التعافي من الحزن
والايام حتنسيكي صدقيني
عنجد كل شي ببدا صغير وبكبر الا الحزن ببدا كبير وبصغر
وكم من واحد كان يقول هادا حب حياتي ماعمري بنسى
ومع مرور الايام نسي وتابع حياتو واحب من جديد وعاش حياة سعيدة
في بيت شعر روعة
وما سُمي الإنسان إلا لنسيه ** ولا القلب إلا أنه يتقلب
يعني كلمة انسان جاية من النسيان
والقلب للتقلب
يعني الانسان بينسى
والقلب بتقلب وبتتغير مشاعرو
الله يسعدك
ارجوكي ميت الف مرة
احبي نفسك واحبي الحياة
انت لاتعيشيها الا مرة واحدة
عيشيها بحب وسعادة
كي تمنحي نفسك ماتستحقه
لاتسمحي لان تعيشي بائسة لاي سبب كان
تحياتي والله يوفقك يارب
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت