جزاكم الله خير على الردود اللي تطيب الخاطر ..


بصراحه انا واثقه من نفسي عشان كذا لو تطلقت اتوقع اتزوج بسرعه <<< لا احد يحطم انا كذا افكر خخخخ


ويا خبير اعشاب اقول يعني انت احسن مني بوشو عشان تاخذ لك اربع وانا بس واحد خخخخ


معليش تراني ما شاء الله موسعه صدري يعني العناد عندي واصل الف ..


بالنسبه لاساس المشكله


زوجي للاسف بخيل وسليط لسان وانا ما اتحمل


ببيت اهلي كنت البنت المدلله وحياتي احسن حياة

تزوجت رجل مقتدر ماديا غني ومنصب ولا وافقت الا على واحد يناسب طموحي

للاسف طلع بخيل ومعيشني عيشه تحت المتوسط


ملييييييييييييييييييييييييييييييت منه


حاولت بكل السبل وربي الشاهد اني كنت اعامله بأهتمام ودلال وتحت امره باللي يبي ومرحه وحبوبه وقمه بالاخلاق معاه ومع اهله وفوق هذا الله معطيني مميزات كثيره من شكل وعائله وكل شي

حاولت وحاولت وكل مال الوضع يسوء


بصراحه احس انه مو حاس بقيمتي ولا يستاهلني ابدددد



زعلت عند اهلي والحين لي كم شهر بعيده عنه .. هو بيتجنن وكل يوم تقريبا يتصل ويقول ارجعي وانا مصره على شروطي

يبغاني يينفذ اللي ابغى ... او كلن يروح بحال سبيله



حاسه كل يوم يزيد عنادي .. مليت منه


ابغى رجل كريم وحبوب ومرح . .. انا احب المزح والوناسه وهذا ياربيه نكدي

ما اتحمل النكد والبخل


اروح عنده وادخل بالاكتئاب والهم .. مع اني دايم ابسطه وهو يشهد بأنه ما راح يلاقي مثلي بكل شي

انا ابغاه يحس بقيمتي

ابغى اعذبه نفسيا

زي ما كان معذبني ..


ما اخفيكم اني ابغى انتقم لنفسي منه بحرمانه مني .. هو مرررره نفسيته الحين معدومه بحسب بكلامه يبغاني ارجع لكن بدون ما ينفذ طلباتي ..

بصراحه وافق على بعضها .. بس انا ابغى كلها .. وابغى اعذبه .. ابغى اقهره

واذوقه من القهر اللي قاهرني اياه ببيته ..

يعني الحين حتى الطلاق ما يهمني .. لاني واثقه من نفسي جدااااااااااااااا ما شاء الله


كل شي عندي مميز وهذا الرجل احس اني حرام فيه

ايه مغروره .. بس بكيفي لاني مليت منه


استغفر الله ادري اني غلطانه ببعض الشئ .. بس نفسي صارت اقوى مني ..



الله يهديني للي فيه الخير ..