السلام عليكم ورحمة الله وبركاته

ماأدري ياأم فرح إنتِ تعرفين عن حياة زوجك قبل يتزوجك ؟

كيف كانت طباعه وطريقته بميزانيته وصرفه ؟

إذا كان من أيام العزوبية معتمد مثلاً على أهله ومايعرف كيف يتصرف فهذا أكيد من طبعه

اللي صعبة عليه يتغير بين يوم وليلة أو حتى بوقت قصير

أما إذا كان بعد زواجه لما شاف إنك ماقصرتي معه وشايلة دورك ودوره بالصرفيات والإهتمام في البيت

رفع يده عن كل شي ووكّل الأمور لك

وفي كل الحالتين لابد من الصبر والمحاولة معه مره وإثنين وثلاث

وإنتِ ماشاءالله عليك باين إنك مهتمة ونفسك يكون زوجك الأفضل في كل شي

لذلك لا تيأسين وإبدأي معه من الصفر

حاولي تتنازلين عن بعض الأمور اللي تعود منك إنك تعملينها وهي أساساً من شغله

وخليك قد موقفك ولا تتراجعين حتى يضطر يعملها بنفسه

طبعاً ماأوصيك كل شي بالتفاهم والكلمة الحلوة وراح يمشي معك ويلبي اللي تبينه إن شاءالله

لأنه الأمر والتضجر ماراح يجيب فائدة أبدااا

ومن رأيي أيضاً إنك تجلسين معه وتصارحينه باللي نفسك فيه وتقولين له إنه إحنا محتاجينك

وإنت سيد هالبيت وكل شي منك راح أحس بقيمته أكثر ، وذكريّه بأنه إبنه راح يشوف أبوه ويقلده

لازم تكون قدوة حلوة له وبالحوار والمصارحة ممكن يطلع كلام وأشياء ماكنتِ تتوقعينها وهي اللي راح

تعينك على حل هذه المشكلة ، الأهم إنك تكونين ترخين وتشدين معه حتى يتغير

وتذكري إنه مافيه أحد يطلع على الدنيا فاهم كل شي بالمحاولة والخطأ والتجارب يتغير

مع الأيام ومقولة وراء كل رجل عظيم إمرأه تراها صحيحة حاولي وكوني صبورة

والله يوفقك ويعيينك .