يا هلا ...

موضوع حلو و شيق ...

بالنسبه لي اذا سافر زوجي و هذا شي قليل ... انبسط انا و الاولاد ...

لا تفهموني غلط ... زوجي يتثاقل بالذهب .. ينحط على الجرح يطيب ... نعشق بعض ..

لكن اذا سافر افتقده كثير ... لكن احس اني احتاج ان نبعد عن بعض فتره كم يوم عشان نشحن بطارية الكهرب من جديد..

نظام البيت يتغير ... انام على كيفي و اصحى على كيفي .. اجلس على النت على كيف كيفي ..

ما التزم بالطبخ ناكل اي شي و اغلب شي من المطعم ....

غرفتي اهملها قليلا يعني مو لازم ارتب السرير ... يعني يظل السرير يومين او ثلاثه مو مرتب ...

ارتاح من الوقفه قدام المريا لان اذا زوجي موجود دايما اكون متشيكه على سنجة عشره ... مكياج و الشعر على طووول مرتب و مشسور ...

يعني انسى شكلي شوي .. البس على كيفي يعني بدشداشة البيت ..

لكن يا خوي يا بو محمد الزوج خيمه على زوجته و عياله ..

اذا صار موجود في البيت احس بطمئنينه و لان يساعدني على ضبط الاولاد و البيت يمشي على نظام معين

الله لا يحرم كل عيله من والدها ...

اختك اميرات ..