منتدى عالم الأسرة والمجتمع - عرض مشاركة واحدة - صورة من غير صوت ... هدية إنسان غير لحبيبته(مشارك بالمسابقة)

27-07-2007, 11:48 PM

إنسان غير

كبار شخصيات المنتدى

تاريخ التسجيل: Aug 2005

المشاركات: 2,873

أما الآن فنتعدى ما أريد ذكره إلى خطوات المفاجأة وكيف صرفت الأولاد :
طبعا أنا كم يوم أبغى أسوى المفاجأة وما قدرت ...

علشان الضيوف والأولاد والوضع غير مناسب

ويوم الإثنين قالت لي الوالدة نحن رايحن الهدا يوم الأربعاء مع أخوانك إذا تحب تمشي معانا ولا تلحقنا على كيفك
أنا قلت فرصة

أرسل الأولاد معاهم وأنا أقدر وقتها أسوي المفاجأة في بيت الوالد لأني أنا في الدور اللي فوق الوالدين وساكن معاهم ..

المهم يوم الأربعاء بعد الصبح تقريبا الساعة تسعة بدأو يجهزوا نفسهم ... والأولاد معاهم وأم عبدالعزيز تقول أنا أبغى الأولاد معاي

وأنا قلت لها لا بالعكس خليهم ينبسطوا

ونحن نلحقهم وما راح نتأخر عليهم
وبعد كده خرجوا الوالدين مع الأولاد وأنا قلت لأم عبدالعزيز أبغى أخرج عندي شغله بره

وخرجت وهي حست أن في شيء

واتصلت وقالت طولت وأنا قلت أخلص وأجي واتصلت على أختي وقلت لها أعطيني طريقة الزربيان وأعطتني هي

وكتبتها في البرشام اللي شوفتوه
واشتريت الأشياء الناقصة ورجعت البيت ودخلت بيت الوالد وحطيت كل الأشياء وبدأت أصور كل شيء وبعد كده رحت ...

فتحت الجريدة وأشرت على أحرف في صفحات مختلفة وكانت الأحرف هي عبارة عن جملة قصيرة وهي ( ألبسي قميص )

وأعطيت الجريدة لأم عبدالعزيز وهي في الصالة ومعاها ورقة مكتوبة عليها :
بسم الله الرحمن الرحيم
إلى قمري وحبي ........ (اسم الدلع )
أرجو منك قراءة الجريدة واستخراج حرف ..حرف من الأحرف الموضوع عليها دائرة بالقلم الأزرق وسوف تظهر لك كلمة ونفذيها تكرما منك
وأرجو منك ذا أردت اتباع التعليمات والفوز بالجائزة (طبعا الجملة معكوسة أنا غلطت مع العجلة) عدم الكلام نهائيا ولكن فقط اتبعي التعليمات خطوة بخطوة وفي كل خطوة بعد الإنتهاء منها أرجو تسجيل كلمات منك وعبارات عن رأيك بالخطوة في ورقة خارجية

أبو العيال ( تغيير)
التوقيع

بعد كده أخذت أم عبدالعزيز الجريدة وهاتك ياتدوير ... حستها حوس ( الثقافة حلوة ) وتعبت حتى شوفتها لابسة القميص طبعا بعد تقريبا ربع ساعة

وفي ذاك الوقت أنا فكيت علبة الحلاوة إللي على شكل بيضة وحطيت فيها ورقة وقفلتها وحطيتها في كاسة العصير الكبيرة وصبيت عصير الجوافة ...

بعد كده
رحت المطبخ وحطيت الكاسة طبعا شلت رف علشان الكاسة ماتدخل (على فكره هي أصلا مو كاسه أنا خليتها كاسه ) وبعد كده أعطيتها كرت مكتوب عليه : إذا حييتك قلت السلام علي إذ أنتي أنا
فالسلام عليكم يا أنا .. اذهبي إلى الثلاجة و لا تفتحي العلبة إلا بعد شرب العصير

ورحت وقتها بدأت في تحضير وجبة الغداء وهي زربيان بالدجاج (أم عبدالعزيز مرة تحبها)

معليش بأطول لكن التنسيق والكتابة متعبة ..