السلام عليكم ورحمة الله وبركاته
الله يجزيكم خير اخواني خير الجزاء
اخواني
زوجي رجع وكأن البيت فندق يداوم ويرجع يتغدى ويرد يرقد ويوم الجمعه ياخذ اليهال ويروح يتغدى مع اخوانة وكل واحد من اخوانه مع زوجته وخواته وامهم وانا قاعده بروحي بالبيت .
اخواني بالعكس انا احثه على زيارة امه لان الدنيا سلف ودين واخاف من بكره .
بعدين طلع معاهم البحر السبت واخذ اليهال وكلن طالع مع زوجته ورجع يسولف لي وكان مضايق من موقف زوجة اخوه الثانية وهي ايضا غريبه وكلن نابذها ومب متقبلينها .فقام يوصف لي انها كانت تتسبح بروحها وتضايق ليش اهله رافضينها وانه مايجوز هشكل.
انا يا اخواني تضايقت منه وقلت له اصلا انا قلت لك قبل مافي داعي اتروح لان كلن رايح مع زوجته وانت وين زوجتك؟
وصحت والله من القهر لاني كابته بنفسي والله يا اخواني ما كلم احد غيركم افضفض له حاسة اني بنفجر خلاص.
فرد علي يا اخواني بكل هدوء وقال: انا ترى اقدر افرط فيج وتزوج بغيرج وشال ملابسه وطلع .
ايش كان ردت فعلي وقته بصراحة صحت اشوي وصليت واتصلت فيه وقلت له اذا انت تبي تفرط فيني انا ماقدر افرط فيك.بتستغربون ليش يا اخواني قلت له هالحجي صح؟
والله يا اخواني عشان خاطر اعيالي اما ع نفسي فانا مدمرة اصلا وقمت اعصب ع اعيالي وما احب اطلع لامي لاني خايفة ابكي اقعد مع اخواني واحس اني بنفجر .
الله يجزي كلن من خطت يداه لمساعدتي والله يسهل دربكم
بنت زمانها