انا راح اكون صريحه معاكي
اولا :- كل شي نصيب والا الان الله ما كتبلك نصيب مع اللي تقدمولك
ثانيا:- ان كان عالخطاب كلنا نخطبنا وبدينا ننخطب من اولمتوسط يعني الوضع عادي
ثالثا:- احمدي الله انو الى الان الناس ما اخذت عنك فكره مو حلوه وبطلو يفكرو فيكي
رابعا:- كنت ارفض وارفض مرات مني ومرات من امي صح الحين احب خطيبي واموت عليه وما اشوف غيره بس لو تبغى الحق اقل شخص من ناحيه امكانيات تقدملي الوحده ما تعرف نصيبها فين
خامسا:- فيه امور احسك تبالغي فيها واحسك مكبره الموضوع يعني الوحده لما تتزوج صح مهم انها تعرف بيئة زوجها بس صدقيني انتي راح تعيشي مع زوجك مو مع اهله وتقدري تحطي حدود من بداية حياتك معاهم حياتك بيدك تقدري تمشيها بكيفك
سادسا:- اتمنى منك انك من اليوم ورايح تفكري بعقل اكثر ووسعي تفكيرك صدقيني انتي عمرك 21 يعني بس تتخرجي من الجامعه صدقيني الكل راح ينساكس واكثر الخطاب بخطبون بنات فسن دراسه وصدقيني ما جبت الكلام من عندي من خبره وملاحظه من الحياة حواليني
سابعا:- حاولي انو لو تقدملك احد فيه عيب بسيط انك ما ترفضيه مافي احد كامل وان كان عالشخص اللي عينه متضرره صدقيني انتي لو فكرتي انو ممكن تعيشي مع اللي عينه متضرره مبسوطه وسعيده والا تعيشي مع واحد عيونه ما فيها شي وياكلك تبن "اعذريني عالكلمه" واحلى شي فيكي وعجبتيني الاستخااااااااره وبالنهايه كل شي نصيب نصييييييييب بس خلاص انتي لا تحطي العقده بالمنشار وكل ما كبرت البنت قلو خطابها وانتبهي وان شاء الله اقرا موضوع لك انك وافقتي والله ييسرلك ولد الحلال اللي يصونك ويراعيك ويحطك بعيونه من حقك تحسي بالذنب بس كل شي مكتوب والله يقدم اللي فيه الخير