بصراحة وصفات رااااائعة

أنا أستخدم السر الثالث (البشاميل) ، لكن بصراحة سر الحليب المركز و كريمة الخفق ،، أكثر من رااااااااائع

يوجد في بلادنا كريمة الخفق و الحليب المركز لكن بصراحة أسعارهم عالية ، و أحياناً الميزانية لا تسمح و بيبقى في أكلات حلوة نفسي أجربها و أضطر أأجلها لأول الشهر يكون الواحد قبض
و كان نفسي فعلاً أعمل شئ يديني نفس المذاق

بصراحة مش عارفه أشكرك إزاي ،،، جزاك الله خيراً

بالنسبة للأسرار ::

أحياناً بأضيف رشة ماجي على اللحم المفروم و هو بيتعصج (العصاج) ، صحيح بتحتاجي يقعد شوية على النار علشان بتتكون فيه مية زيادة و بتحتاجي تنشفيها ، لكن بيكون طعمه خيال

كمان في سر تاني ،، لما تيجي تعملي الكفته في البيت ، بعد ما تتبليها (بالملح و الفلفل و البهارات و البصل) حطي فحمه (اللي بيستخدم للشواء) على النار و احرقيها و بعد كده ورق ألمونيوم (فويل) و اعمليه على شكل طبق و حطي فيه شوية زيت ، و بعد ما الفحمة تتحرق حطيها في الفوي (فوق الزيت) و حطيها في وسط اللحمة المتبلة (و هي لسه نيئة) و غطيها بغطاء محكم و سيبيها لغاية لما الدخان اللي عملته الفحمه مع الزيت ينتهي ... و بعد كده قلبيها و ابدئي اعمليها صوابع و سويها في الفرن ،،، تطلع زي بتاعة الحاتي بالضبط ، و بألف هنا

ممكن تستخدمي الفحمة دي كمان مع أي نوع من أنواع اللحوم اللي تحبي تضفي عليها نكهة الشواء

ده اللي في بالي دلوقتي لكن إن شاء الله إذا افتكرت حاجه تانية هرجع أكتبها