السلام عليكم ..


من فتره كنت بكتب هاذي الكلمتين .. لكن انتظرت الوقت المناسب ..


وبدخل بالموضوع على طول ..

قبل فتره .. سألتني صديقتي : ليش اختك تزوجت قبلك ؟؟ << هي تحسب اني ماقد تزوجت .. رديت عليها : انا تزوجت وانفصلت .. تفاجأت البنت .. ورحت حكيت لها حكايتي من طق طق لسلام عليكم .. والبنت طلعت نبيهه وحفظت ببالها اسم طليقي والتفاصيل الصغيره عنه ..


وبعدها بفترة .. جاتني وقالت : ياالعام عندي لكي خبر يفرحك !! .. قالت : خمني مين قابلت اليوم ؟؟ .. كنت جالسه مع بنت خالة زوجة طليقك !! << انا صارت عيوني كذا


قلت : كيف عرفتي ؟ قالت : من اسمه ومن تفاصيله اللي قالت عليها البنت .. قالت : تخيلي ماكانو عارفين انه كان متزوج منك .. وحتى لمن تقدم لهم قال انه ماعمره اتزوج وهاذي اول زواجه له .. حتى تخيلي ابوه ميت له كم شهر وهو قام يغني ويزف عروسته .. حتى امه ماحضرت زواجه لانه كانت دوبها مخلصه العدة ..

سألتها البنت : قالت انتي متأكده من كلامك ؟ ردت عليها صديقتي : تعالي شوفي زوجته الاولى معانا بالجامعه لو منتي مصدقه .. قالت : لان الموضوع ماينسكت عنه .. وراحت خبرت اختها .. لكن ماادري ايش اللي صار بعدين ..


ابدا ماقصدت اني اخرب او اتشمت على احد حتى لو كان طليقي .. لكن سبحان الله طلعت الدنيا صغيره ..


لكن حزنت على نفسي وعلى زوجته لانه رحنا ضحايا له هو واهله ..



بعد هاذا الموقف .. زاد حسن ظني بالله .. وانه حقي مابيضيع عند ربي العاملين .. وان الظالم وبيجي له يوم ..


حبيت افضفض لكم .. ((وترا القصد من هاذا الموضوع هو الفضفضه )))

__________________


اللهم فرج كربتي ويسر امري واكتب لي الخير يارب