ردا على سؤالك حبيبتي انا لسه ماتزوجت إنما في فترة عقد قران من اكثر من ثلاث سنوات ..
وعن وضعي الحالي مع خطيبي .. فأحنا الحمدلله وضعنا تحسن كثيييييير .. وين كنا وين صرنا ..
علاقتي بخطيبي احتجت اغير فيها اشياء كثيره .. و الامر استغرق مني وقت وجهد كبيييييرين ..
انا وقتها كنت وصلت لمرحلة يأس كبيره .. وكنت خلاص علي وشك الانفصال ..
وفي كل مره اتكلم معاه اطلب منه نفسخ لأني ماعدت اتحمل ..
وفجاه انبعث فيني امل ثاني وقلت لنفسي يابنت شيلي فكره الانفصال من راسك لأنها مستحيله ..
لازم تحاول وتجربي مره ثانيه ..
وبدأت وقتها بفترة اصلاح .. بدءً بنفسي وبعدين فيه هو ..
والحين صار لنا تسعه شهور واحنا سمن علي عسل اللهم لك الحمد ..
حبيبتي ودي امشي معاك خطوه بخطوه عشان نوصل لحل ..
احنا هنا كاعضاء ماعندنا معطيات غير من وجهة نظرك انتي ..
لكن من ظاهر الامور اقدر اقول ان خطيبك يحبك ومتمسك فيكي ..
لأنه مافي شئ يجبره على الاستمرار من دون الفسخ إلا حبه لك ..
اولا ابغاكي تفهمي شئ .. قد تكون مشكلتك مو جايه من خطيبك بقدر ماهي جايه منك انتي ..
وراح اقول لك ليش ..
انتي الحين عايشه في جوع عاطفي دائم .. وهذا حالنا كلنا نحن البنات ..
خطيبك بحكم بعده عنك مايقدر يشبع الجوع هذا ولا يملأ كل الفراغ العاطفي ..
ولا حتي يقدر يستقبل ويستوعب كل الشحنات العاطفيه اللي تجيه منك ..
الأمر صعب حتى في حالة الازواج اللي عايشين في بيت واحد ..
كل واحد منهم لازم يبحث عن مصادر عاطفيه اخرى غير شريك حياته ..
وهنا طبعا يجي دور الأهل والاصدقاء ومستقبلا الاطفال ..
يعني انتي لوحدك وبمجهود شخصي منك لازم تملأي الفراغ هذا بنشاطات ثانيه بعيده عن التفكير بخطيبك ..
و تعوضي فيها حاجتك لشخص يهتم بيكي ويحبك ..
انا مثلا لأني في غربه بسبب دراستي وبعيده عن اهلي ..
يعني كنت احتاج حد يعوضني حنان خطيبي وحنان اهلي في نفس الوقت ..
من سنه تقريبا بديت اسوي رياضه وارتحت مره فيها لأنها كانت تسمح لي بتنفيس طاقه ذهنيه وجسديه كبيره مكبوته بداخلي ..
وبديت كمان اوسع دائرة صداقاتي ..
من جهه كنت اشغل نفسي بهموم ومشاكل صديقاتي عشان انسى همومي ..
ومن جهه ثانيه لقيت في الصديقات حب وحنان من نوع اخر يعوضني غياب خطيبي واهلي ..
ولي عوده بعد ما اسمع تعليقك علي كلامي ..