هذا انا رجعت 
..
انا رحت سويت لفة بحث في كل مواضيعك السابقه عشان يكون عندي اطلاع اكبر على مشكلتك واعرف تفاصيل اكثر عن خطيبك ..
لكني مالقيت شئ اضافي غير اللي كان في تصوري ..
شوفي حبيبتي .. انا ما ابغى اتفلسف عليكي لأني قليلة خبره مثلك ..
وماتعلمت من تجارب الاخرين وانما من اخطاءي انا .. لكني راح احاول على الاقل اجنبك بكلامي الاخطاء اللي ارتكبتها انا ..
حبيبتي انتي شايفه انه الحين صار له فتره ياخذ منك عاطفه ومايعطي ..
انصحك انك ترسلي له بمسج لطيف رقمك الجديد .. وتنتظري مبادرته هو بالاتصال مهما طولت ..
ويوم يتصل لاتعاتبيه ولاتلوميه ..
واكتفي واقتنعي في الوقت الحالي باللي يجي منه حتي ولو كان شئ قليل ..
تدرين العتاب واللوم هذا هو مفسدة الحب .. وهو اساس المشاكل ..
لأن الراجل مايفسر العتاب على انه تعبير عن حبك له ورغبتك في انه يكون افضل بعيونك ..
وانما يفسره على انه انتقاص لرجولته وقدرته وحكمته في فهم الامور ..
بشكل عام مافي اي راجل في الدنيا يتقبل الانتقاد ..
في نفس الوقت انتي تحتاجي تعيدي الفرمته حق دماغه عشان يرجع يعطي ويبذل من جديد ..
عن نفسي انا جربت مع خطيبي اسلوب المدح ..
في كل مره كان يسوي حركه حلوه معايا ..
يعني يتصل او يرسل مسج حتى لو كانت مره كل شهرين ..
ابين له اني مبسوطه وفرحانه لأنه فكر فيني واتذكرني ..
ولأني كنت استحي اقول له كلام حلو مباشر فكنت استخدم المسجات او الايميل ..
وهو كان لما يحس اني اقدر مجهوده يتشجع اكثر انه يسوي حركه اكبر منها في المره الجايه ..
فكان يتصل اكثر ويسأل اكثر ..
وتصدقين بعد مامرت فترات علينا كان مايتصل فيها غير بالشهر مره ..
الحين الحمد لله صار يتصل يوميا ..
ولأنه كان زماااان يطنشني اغلب الاحيان لما ازعل منه ..
والحين بعد ما اتعود يسمع مني تشجيع ومدح صار مايحب ازعل منه ابدا ..
ويحاول يحسن من تصرفاته واذا زعلت منه القاه يسألني مثل الاطفال بأيش غلطت طيب ?
مو انا تغيرت .. موانتي قلتي لي ان انا صرت كذا وكذا ..
انا فهمت من كلامك عن خطيبك انه احيانا يرد بغلظه عليك ..
انا يوم كان خطيبي يرد عليّ بجلافه كنت ازعل واعصب مرررره ..
واقول له انا الغطانه اللي اسوي كذا وكذا .. وانت ماتستاهل .. ومن هالكلااام ..
ولقيته كان يزيد اكثر واكثر بالجفاء ..
لكن بعدما قررت اغير اسلوب تعاملي معاه ..
كنت لما يكبسني بكلامه الدفش ارد عليه بدللللللع واقول له والله ! اهون عليك انا زوجتك حبيبتك تقول لي كذا ..
وكان ساعتها يستحي على دمه ويرجع يقول اسف ..
مرات كثيييره صارت لما بطل يرد بدفاشه بالنهايه ..
حبيبتي اعتبريه مؤقتا كأنه ابنك مو خطيبك ..
انسي مؤقتا انك انتي تحتاجي منه اهتمام وعاطفه .. واعطي الاولويه له ..
ويوم يتصل عليكي حني عليه كأنك امه .. اغدقيه حنان وعاطفه لأن هذا هو الشئ اللي يحتاجه منك ..
يعني لاتستكثري عليه اي شئ .. لأنه هو اللي غربه .. وهو الرجل ..
وبعدين هذا هو دورك في الحياه .. يعني هو خلق حواء ليش كان ???
اليس خلقها جاء بعد ان اشتكى ادم من وحدته .. وكان الغرض من وجودها إيناسه والتخفيف عنه ..
ولا تنتظري الجزاء من خطيبك ..
وانتي لك قبل كل شئ الثواب والاجر في حسن المعامله .. وكل شئ عند الله مايضيع ..
يعني استعيني على قساوته معاك بالصبر وحسن المعامله والدعاء عسى الله يهديه ويتغير ويرجع مثل اول ..
والله يالغاليه اني كنت ادعي في كل سجود ان ربي يهدي خطيبي ويصلح احواله ويهدي سرنا .. اللهم له الحمد علي ماكان وماسيكون ..
تصدقين قبل ثلاثة اسابيع قابلته على المسنجر ..
وجلست اذكره بكل اللي صار بينا من باب اننا نتجنب فقط تكرار اخطاء الماضي ..
لقيته دمعت عيونه ورجعنا نبكي احنا الاثنين ..
الله يصلح امورك انتي الثانيه ويهدي سرك .. اللهم امين
التعديل الأخير تم بواسطة مشاعر مرهفه ; 07-08-2007 الساعة 05:08 PM