اللللللللللللللللله يعينك!

أتفق مع الأخت جنة الدنيا
وأتحفظ على اسلوب التهديد بالنار لا تجعلي أطفالك يكرهون الله لأنه حرمهم متعة النوم في أحضانكم

تابعي برنامج super nany على ال MBC فيه افكار ونقنيات لحل هذه المشكلة من جذورها
الصراحة المسألة يبغالها طولة بال وصبر فوق ما تتصوري وأتوقع بنتك الصغيرة الله يسعدها راح تتعبك مرة لأنها الظاهر متعلقة فيك كثير...

إذا أعلنتي في البيت نظام (كلٌ في غرفته ينام) لا تتنازلي و تتفاوضي أو تحزني وتقولي بس هادي المرة.. حتى لو بكوا وملوا الدنيا صياح ... ممكن تقعدي عندهم في الغرفة في المرات الأولى وحاسبي ما تنامي معاهم على السرير لأنك ما استفدتي شي ... وإذا قعدتي معاهم في الغرفة و بعد ما تحكيلهم حكاية حلوة وتحصنيهم لا تكلميهم أبدا حتى لو بكو وحاولوا يلفتوا نظرك بكلام و حركات وأذا نزلوا من على السرير رديهم لسريرهم وانت ساكتة ولا تخلي بيناتكم تواصل بصري علشان لا يتشجعوا على الكلام معاك..
وحبيبتي راح ينرفزوك ويلعبوا على أعصابك خليكي كوووووووووول حاولي ما تضربيهم علشان لا يقترن وقت النوم عندهم بالضرب فيكرهوا وقته وسيرته. ولا يضحكوا عليك بمقلب "ماما أنا خايفة" مرة عن مرة لمن تطنشي و تمشي كلامك راح يعرفوا نك جد وانه مافي لعب في وقت النوم... وأمشي معاهم بلإقناع خصوصا الكبيرة واقرني استقلالها في النوم في غرفتها على انه علامة على المسؤولية وخليها تمارس دي المسؤولية في اقناع اختها الصغيرة ... أنا كدة أعمل مع بناتي الكبيرة أخليها تصير مسؤولة عن أخواتها الصغار أحيانا تكون أقدر على اقناعهم مني لأنها قريبة منهم أكتر..

وأمدحيهم لما يناموا في سريرهم عند البابا وخليه يتعاون معاك ويمارس السلطة النظامية في الحكاية علشان يعرفوا انه مافي مجال للتفاوض معاك ولا معاه...

تعرفي أنا مريحة بالي من دي النقطة فأعودهم على النوم في غرفهم من هم في سن 5 أشهر وهم في سن شهرين يناموا في سرير مستقل عني بس قريب من عيني و بكدة يكبروا وهم في غرفهم بلا ماما أبغى أنام عندك ووجع راس...

الله يعينك على تربيتهم ويخليهم فرحة لقلبك وراحة لخاطرك يارب العالمين