أولا اعتذر على التأخير بالرد
وثانيا اشكركم جميعا جميعا على اهتمامكم بمشكلتي
يا جماعه انا لغاية الان صرت شايفه 4 مسجات من ضمنهم مسج اخجل ان اقول محتواه وجميع هذه المسجات هو اي زوجي الذي ارسلها لها
ارسلها باوقات كان فيها بالبيت
طبعا ما شفت اي مسج منها لانه بمسح كل المسجات الموجوده بصندوق الوارد
زوجي لو صارحته حيعمل زي ما قالت اميرات يقلب على دماغي الطاوله و ينكر ويكذب و يطلعني في النهايه اني الغلطانه
جربته قبل هيك
تاني شي حياتنا بارده بسببه هو
انا كل ما اعمل شي جديد او اتقربله او اتدلع عليه ما بيعطيني مجال
هو مو رومنسي
بكلمه بالحب بحكيلي عن البنات... روحي شوفي البنات .. ليش عم تبكي .. شو اكلت
لو رقصت قدامه بحس انو بيتطلعلي بلا مبالاه
بحضنه بضل منزل ايديه ورافع راسه
لدرجه اني انا بلشت ازهق وتقريبا بطلت اقربله كتير
طبعا لسه ما ذكرت كتير اشياء
انا اليوم قعدت احكيله وانا هاديه وقبليها قبلته انو هاد الزمن بخوف شايف كتير رجال بخونوا زوجاتهم ... انا خايفه يجي يوم تعمل متلهم ... اوعدني انك ما تسوي هيك وما تحطني بهالموقف لاني ما رح اسامحك لو سويتها
حسيته عصب وصار يقوللي انا مو ناقصك هلء ... قلتله والله انا بحبك وخايفه عليك .. انتا زوجي ومن حقي اني اخاف عليك
قاللي طيب ما رح اعملها (( وهو معصب ))
وعلى فكره انا فهمت اليوم من احدى الرسائل انها وحده تقربله ..
انا فكرت باني اتصل بالرقم بس تيجيلي الفرصه لاني ما بدي اتصل من رقمي
انا طرحت مشكلتي هون لاني كنت بدي حد يهديني وينصحني لاني لما شفت المسجات جن جنوني وكنت تاني يوم حطلب الطلاق
وحتى لو ما بعرفكم ولا بتعرفوني احنا اخوه في الله وانا ما طرحت مشكلتي الا لاني بعرف اني حلاقي النصيحه
والاخ او الاخت اللي حكى انو انا ليش بتجسس على تليفونه فهذا لاني بدي اعرف زوجي شو بيعمل من وراي لاني بدي احافظ على بيتي
انا محتاره شو اعمل بس انا حصبر شوي لغاية ما الاقي طريقه افتح فيها الموضوع معاه
ويا جماعه ما تحكولي انو احكيله اني شفت المسجات لاني ما بدي يمسح المسجات من هناك عشان اضل اعرف شو بيعمل
سامحوني على الاطاله وبشكركم تاني مره على اهتمامكم