منتدى عالم الأسرة والمجتمع - عرض مشاركة واحدة - يعرقلون في العاده موضوع الخطاب الأن موضوع العمره ومن من زوجه خالي ماذا افعل

10-08-2007, 01:57 PM

#10

روح الغالي

كبار شخصيات المنتدى

تاريخ التسجيل: Aug 2005

المشاركات: 9,203

السلام عليكم

حبيبة قلبي نايتي

وحشتيني يالحنونه

كيف صحتك اليوم ان شاء الله احسن من اول؟؟

شوفي ياقمر

1_ اذا ربي كاتب لك العمره بتروحين بتروحين غصبا عنها زوجة خالك واهلك كلهم...

2_ انما الاعمال بالنيات ،،، نيتك موجوده واجر العمره كامله بإذن الله راح تجيك سواء رحتي او لأ

مادامك اخلصتي النيه لوجه الله طالبة المغفره من الله تأكدي الله ارحم الراحمين

وراح يغفر لك ذنوبك كأنك رحتي واخذتي العمره

3_ اهم شي ياقلبي توكلي على الله ،،، ومع كل فرض وكل سجده صلي واطلبي الله

4_ لاتنسين صلاة الاستخاره صدقيني استمري بصلاة الاستخاره لذهابك للعمره

5_ حبيبتي من كم سنه اخويا وزوجته وعدوني اروح معاهم الحج واستعديت وجهزت امكانياتي الماديه وكل شي

وفجأه حصل عند اخويا مرابطه في العمل وتأجل للسنه اللي بعدها ،،،، حلو

في ذيك السنه اختي راحت للحج هي وزوجها واولادها وكان محرمي ولد اختي لما جيت اروح قال اخويا

لالالالالالالالا

خليك معانا السنه الجايه،، قلت: طيب بأروح السنه الجايه معاك على خير

جات السنه اللي بعدها وفجأه جا اخويا يودعنا لآنه مساافر للحج من غير مايقولي عشان اروح معاهم

وبكذا راحت عليه الحج اللي مع اختي اللي كانت مارح تكلفني ولا ريال

وراح علي الحج اللي مع اخويا

كل هذا الكلام اللي قلته لك

وانا اقول الحمدالله والشكر وأملي بالله اكبر

اني بسنه من السنوات راح احج

والله يانيتي كل حج اجلس مرابطه على التلفزيون عشان بس اشوفهم واتمنى نفسي معاهم
واجلس ابكي ابكي ابكي

والله ماتصدقي يانيتي كيف حرقة قلبي على الحج

لكن الحمدالله والشكر

كله بيد الله وان شاء الله بتتيسر لي الحجه ولكل مشتهي

وانت ياقلبي لاتزعلي ولا تكدري خاطرك

ان شاء الله بتتيسر لك العمره

سواء مع خالك

وان شاء الله مع زوجك بالقريب العاجل

يارب يارب يارب

يبلغنا رمضان واحنا مملكين ويبلغنا الحجة هذي السنه ونحن قريرات العين بالزوج الصالح

ويارب يانايتي نتقابل في الحج هذي السنه ونحن مع ازواجنا الصالحين

لنجتهد في الدعاء ياقلبي

ولا تكدرين خاطرك وربي راح ييسر لك العمره بالقريب العاجل

عليك بصلاة الاستخاره والتوكل على الله

ربي يسعدك ويفرج همك وينولك مرادك ويسخرلك من في السموات والارض

ويسخرلك القلوب القاسيه والعبيد العاصيه

ويحنن القلوب عليك وعلينا يارب

حصنتك بلا اله الا الله

__________________

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا