السلام عليكم
انا اخت جديدة لكم في المنتدى وحابه اشارك حد مشكلتي ... انا من تزوجت والدوره عندي (عفوا للشرح) لونها بني وقطرات دم شحيحه .... وقطع متجلطه .... لما فحصت ..قالو لي هرمون الحليب مرتفع ..وخذت حبوب الديستونكس ...نصف حبه السبت ونص حبه الثلاثاء ... لمدة اسبوعين .... وبعدها ... حللت
طلع نازل والحمد لله ..... بعدها بفتره ولما جا اليوم اللي محد يبيه (الدوره) تفاجأت انها شرفت .... والحمد لله على كل حال ... زعلت بس حسيت بامل يدفعني ان احقق الحلم الشهر الجاي بأذن الله .... ونفس الشي .... ماطلع حمل .... حللت وشفت التبويض كان مقاس البويضه 17 وزياده .... وباقي الهرمونات سليمه ...وللاسف نزلت الدوره ...... ونفس الشي خفيفه ومتجلطه ....غيرت الطبيبه ..وحكيت لها ....قالت لي لازم الديستونكس تاخذينه 3 شهور مايصير تاخذينه اسبوعين لانه هالهرمون معرض انه يرتفع اي لحظه ....وقالت بنقيس لج البروجسترون ...وفي اليوم 22 من الدوره ....سويته وطلعت النتيجه 6 يعني ناااااااازل .....ووصفت لي الكلوميد .....ولي موعد بعد اسبوع عشان اشوف التبويض ......ادعولي يا اخواتي
صرت في حاله الله يعلم بها ...اصيح وابكي ودايما اطالع زوجي وهو نايم وابكي بسكاااااااااااات ..وادري انه يتعذب ... صار مايحب انه يشوف اهله عشان مايسالونه السؤال الجارح .....
ادعولي ماشوفها الشهر الجاي
واقبلوني معاكم اخت ...
حلمي قريب