منتدى عالم الأسرة والمجتمع - عرض مشاركة واحدة - مكافأتي له حسب مشورتكم ولكن على طريقتي الخاصة ( مشارك في المسابقة )

13-08-2007, 12:18 PM

بسمات الروح

عضو متألق

تاريخ التسجيل: Feb 2007

المشاركات: 2,208

مكافأتي له حسب مشورتكم ولكن على طريقتي الخاصة ( مشارك في المسابقة )

صباح الورد الجوري على جميع اعضاء المنتدى الرائع

حبيت اعرض لكم طريقة شكر وامتنان لزوجي الغالي

وبالاحرى تشجيع له على التطور الي صار فيه

الكل عارف تقريبا مشكلتي معاه وطرحتها من قبل على هذا الرابط

http://www.66n.com/forums/showthread.php?t=130822

والحمدلله الحين تغيير وااايد وقطعنا شوط كبير من الانجاز

وبينت هالشي في آخر مشاركاتي من رابط مشكلتي

وابشركم صار احسن يصلي من روحه

طبعا نصايحكم كان لها اثر ودور كبير ودعائكم الله يجزاكم الف خير

وانا ماتركت الاستغفار ولا الدعاء له في اطراف من النهار او آناء من الليل
في كل صلواتي

كان كل مايتطور شوي ابادر بركعتين الشكر من كثر فرحتي

ولا نسيت الصدقات

الحمدلله على كل حال وان شاء الله يصير احسن واحسن بفضل دعائكم

لا تنسوني اخواني واخواتي من دعائكم

المهم انا اعرفه كان يصلي صلاة الليل بس الله يلعن بليس وعيال بليس الي خربوه

فكرت قلت ليش ماأحييها معاه وبالمرة اشجعه على هالشي

جفت موضوع اختي الغالية صائمة لله واقتبسته واضفت عليه اشياء من وحي تفكيري

وهذا هو موضوعها

http://www.66n.com/forums/showthread.php?t=136004

الله يجزاها عني وعن جميع الي طبق فكرتها خير الجزاء

الله يوفقها وينولها مرادها يااارب

ويجمعني بها في جنات النعيم

نجي للتطبيق

المكان: شقتي +على البحر

الزمان: من قبل آذان الفجر بساعه الا رابع الى الساعه 8 تقريبا الصبح

الاداوت: سجادة صلاة + سلة بها قرآن وكتب أدعية + شموع + شمعدان بحامل وفيه شموع + جلابية اهوا شارنها لي+ فطاير +كابتشنو+ عصير + اباجورة+ مبخر+الهدية

انا وحده احب التغييير

مو دايما حفلات واشياء بالشقة او بالبيت

سويت له حفلة بالبيت ومفاجأة بالبيت مرة بس

فمرة يمكن جفتوا موضوع لي سوى لي مفاجأة وانا كملتها كان في مسبح

ومن قبل انا عملت له مفاجأة كان في مطعم بس زمان وماقدرت اصورها واعرض لكم تقرير عنها

وهالمرة ابتديتها من الشقة وكملتها على البحر

فكرة انه بس داخل البيت تزعجني احب افكار جديدة تبعث على التغيير

[COLOR="Purple"]المهم حاولت اصحيه من قبل آذان الفجر بساعة الارابع بالبوسات والروائح الحلوةوطبعا لبست الجلابية الي شراها لي من زمان يوم كان رايح المغرب وانا ماحب البسها بس هالمرة علشان افرحه لاني في نظري حقت اعجيز

بعد ماصحصح شوية على باله اني ابي شسمه شمسونه .... ههههههه بس انا قلت له الليلة غير

وقام وقلت له خلينا نتوضى وبنروح لحبيبنا استغرب بالبداية بس قلت ايه حبيبنا هاجرينا لنا زماااااان مافهم علي

وقام يقول يالله حسن الخاتمة الظاهر زوجتي خرفت وقعدت

المهم توضى ووديته المجلس لاني هناك سويت كل شي ورتبت السجادة بخرت المكان

توضى وخذيته للمجلس وكان بهالشكل

وصلينا في الظلمة بس على ضوء لشموع

وانا قدمت له هدية عبارة عن سلة تحوي قرآن وكتب ادعية وتعليقة للسيارة بشكل قلب وآية الكرسي مكتوب عليها آية الكرسي ايضا للسيارة

وهي الصور:

وهذي صورة القلب والجلد الي مكتوب عليه آية الكرسي فوق الطاولة وهذا قبل اجيبه المجلس واطفي الانوار:

وبعدها جلسنا علشان نقرأ الادعية وندعي ربنا قبيل الفجر بما تيسر بالي في خواطرنا وبما ان المكان ظلام فحطيت الاباجورة

وكان المكان بهالشكل:

قمت انا وجبت له الهدية الي على الطاولة وحطيتها جنب السجادة بس هذي الصورة بعد ماصلينا وخلصنا حتى الفجر:

وبعد ماخلصنا صلاة الليل وهو يشكرني على هالشي انا قدمت له كابتشينو من صنع يدي والي يمووووووت فيه من يديني علشان ورانا مشوار البحر

لازم يصحصح

وهذا شكله:

انا الخلطة سويتها قبل انام ودخلتها الثلاجة ويوم ابي احضرها له فقط اضفت الماء الساخن

شربنا شوي وأذن الفجر وقمنا توضينا مرة ثانية وصلينا الفجر الحمدلله

وبعدها السما عتمة ظلام
قلت له يلا قوم نروح

على باله غرفة النوم قلت له يلا البس بنروح نقابل حبيبنا على الطبيعة استغرب للمرة الثانية

بس قمنا ورحنا وحملنا معانا القرآن
وحملت معاي عصير وفطاير

وهذا كان شكلهم :

وبعدين غلفتهم بالامنيوم

وشدينا الرحال

ورحنا على البحر وجلسنا ندرس قرآن الين بدت تطلع شمس الشموسة
وكان المنظر وقت مابدأت خيوط الفجر تلوح والشمس بالبزوغ

بهذا الشكل :

وهنا صورة الشمس توها تشرق:

الحلو في الموضوع انه مافي احد بس احنا بروحنا وقت الصبح

بس اول مارحنا البحر كان في ناس قاعده تمشي بتروح بيوتها

وكان الشروق له اثر كبيييير على نفسية زوجي ونفسيتي الطبيعة حلووووووة وايد
ومنظرنا واحنا ماتحتنا وتحت السماء حجاب نناجي ونقرآن قرآن في الجو الطلق ووقت الشروق
يا الله شنو كان المنظر عجيب

وقعدنا بعدها وفطرنا شوية

والساعة 6 وربع تقريبا دقيت على الوالد ومسكين تخرع اول شي بس اعرفه يصحى بدري ويجلس يفطر

ورحنا بيت اهلي وجلسنا نفطر مع ابوي وامي بعد صحت خايفة على بالها فينا شي

وصارت جلسة فطور عائلية

وبعدين
رحنا غرفتي الي في بيت اهلي ونمنا الين الظهر طبعا بعد مادخلنا
القناة المشفرة (على قولة واحد من الاعضاء)

وكان له طعم رائع لانه اهو بعد كان يجتهد انه يسعدني بعد ماسعدته
خصوصا انه يشكر ومقدر الي كل الي سويته حقه علشان يرجع لرب العالمين

والحمدلله تــــــــــــــــــــمــــــــــــــــــــــــــت القصة على الف خير وشكر ونعمة من رب البرية

كانت هذي ليلتي ويومي معاه بشكل جدا بسيط بس كان له الاثر الكبير في نفسيته واحترامه لي وحبه
الله يخليه لي ويصلح امره يااارب العالمين

اللهم صلي على محمد وعلى آله وصحبه وسلم

__________________

يا جابر كل كسيـــر..!

التعديل الأخير تم بواسطة عبـدالعـزيز ; 26-04-2008 الساعة 09:48 AM