انا بعمل حاجة اللى علمتهانى عمتى

عارفين اطباق الفوم البيضاء اللى لما نشترى جبن او مرتديللا بيحطوهم فيها ؟ اهى هى دى انا بغسلها و انشفها و اشيلها بستخدمها للتخزين فى الفريزر

انا بقى بعمل الاتى:

1- بجيب البفتيك و اتبله كله و اقسمه فى الاطباق بالعدد على حسب كل طبخه بعمل فيها كام واحدة و بعمل جزء منه بالبيض و البقسماط بانيه يعنى و الباقى بحطه فى الطبق بالتتبيلة بتاعته عشان ممكن اسنخدمه اسويه بالصوص و الفه بالكيس البلاستيك و اقفله كويس و على الفريزر
2- نفس الحكاية بعملها مع صدور الفراخ بالظبط
3- بعمل عجينة السمبوسك (انا مش بحب الجاهزة عشان بتبقى ناشفة و عاملة ذى الجلاش) و احشيها شوية باللحم المفروم و شوية بالخضار و برضو ارصهم فى الاطباق و اغلفهم بالكيس البلاستيك
4- البصل بفرم البصل و اشيله فى علبة بلاستيك محكمه الغلق
5- الثوم بفصص الثوم و اشيله فى علبة بلاستيك محكمة الغلق ذى ما هو فصوص و لما احتاجه اطلعه قبليها بـ 5 دقائق بيفك بسرعة قوى
6- السمك و الجمبرى (الروبيان) بتبله و اقسمه برضو فى الاطباق الفوم و الفهم بورق القصدير و بعدين بالكيس البلاستيك عشان ميعملش ريحة فى الفريزر
7- محشى ورق العنب بحشى كميات و اقسمهم فى الاطباق و اغلفهم بالكيس البلاستيك و على الفريزر و فى اليوم اللى حستخدمهم فيه اطلعهم من الصبح
8- اللحمة المفرومة بعصجها كلها مرة واحدة و احطها فى علبة بلاستيك و اخد منها كل ما احتاج
9- الكفتة اذا كنت حشويها اصبعها و و اقسمها على اطباق و اذا كنت حعكلها بانيه اعملها بالبيض و البقسماط و ارصها فى الاطباق
10 الفراخ اغسلها كويس و اتبلها و اشيها كدة اذا كنت حشويها
11- الكركديه و تمر الهندى بعملهم و اشيله فى اكياس و احطهم فى الفريزر

و بالهنا و الشفا و ربنا يعوده عليكم بخير ان شاء الله و اذا افتكرت حاجة كمان حبقى اقولهلكم

ربى لا تذرنى فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة