صديقتي صدمتني تكلم شاب
السلام عليكم ورحمة الله ..
أخباركم إخواني ؟ .
كالعاده الغريق لايبحث إلا عن مايساعده على النجاة ..
إعتبروني إخوتي أنا الغريقة التائهه عن الساحل أو عن طوق النجاة
وسأعتبركم إنتم طوق نجاتي
هذا اتفاقنا قبل لانبدأ
ولا قولو لي اسكتي من الحين 
انا عندي فقر صديقات يعني بالعربي وحيده ..
تعلمت أحس لحالي وأفكر لحالي وأصيح لحالي وأضحك بعد لحالي لاتقولون مستخفه
بس هذي أنا
كنت أدور عن اللي يشاركني هالاشياء كلهم لإني كنت أحس إني متوفاة وأنا عايشه لحالي
أو أقلها أذهب لعالم فاضي مافيه أحد لأجل أحس إني عايشه في عالمي الميت ..
الموهيم دخلت لعالم النت لإني كنت أتوقع إنه هذا العالم الميت الي يناسب إني أعيش فيه ..
تعرفت على ناس وصادقت وظهرت شخصيتي وحبيت عمري وتعلقت بهالجهاز ..
وبين ما أنا أجول بعالمي الميت عفوا ( النت ) تعرفت على وحده عظيمة بس بلادها يختلف عن بلادي ..
تعلمت منها أشياء كثيره
تعلمت إن هالعالم الميت بالنسبه لي ماهو إلا صلة تواصل للعالم الحقيقي
تعلمت كيف أقدس الصداقه وإن الصداقه مو مجرد ضحك وسواليف ووناسة .. لا هي أسمى من كيذا
ولو باعدد الاشياء اللي تعلمتها منها لكم بتفتحون لي قسم مخصص على الاشياء اللي تعلمتها منها ..
قررت بيني وبين نفسي إني أعيش وأولد بالحياة الحقيقيه
وفعلا .. كونت لي الصداقات
قمت أخوض التجارب
ووو إلخ
الزبده عشت حياتي ..
والفضل بعد الله لها ولكم شخص ساعدوني ..
المهم قررت أتعرف على هالانسانة العظيمه بالعالم الحقيقي
وفعلا تعرفت عليها وصرت أكلمها بالجوال ولا زرت بلادها أو هي زارت بلادي تقابلنا ..
وكل يوم عن يوم أتعلق فيها أكثر
واحس إن لحياتي قيمة
مو عشان هي صديقتي لا
عشان إني لقيت من يمسك بإيدي ويعيشني الحياة الصح ..
الموهم نرجع لعالمنا الميت او الي صار لي الحين صلة وصل ..
تعرفت ع شاب وبديت أكلمه بالماسنجر بدون ماحمل له أي مشاعر
بس مجرد إني أبي أكلمة ..
فجأه جاتني إضافه من شاب ثاني إكتشفت إنه صديقه الصدوق ..
كان يحذرني منه ومن نواياه السودا
وإنه يكلم كم صديقه لي
وصحيح إكتشفت هالشي إنه كان يكلمهم وإنه نصاب وإنسان بلا ضمير ..
إستغربت من صديقه هذا بإيش أهمه عشان يحذرني ..
إذا هو مايحبني ويعتبرني زي إخته ؟؟ > للمعلومية هالاثنين كانت لي علاقه معهم في إحد المنتديات
إكتشفت بعدها إنه حبيب صديقتي وماحذرني إلا لإني صديقة حبيبته !!
في البداية أنا أكبرته وإعتبرته مثال للشاب الشهم ..
إلى أن جائتني الطامه
إن صديقتي العظيمة تكلمه بالتليفون !!
من قبل دقايق إعترفت لي بهالشي
وأنا كالمشلوله توقفت مشاعري بلا حراك
وتهت أنا أعز إنسانه إلى قلبي وإخت دنيتي وتمنيتها تكون خليلتي في الاخره .. تطلع كيذا ..
للمعلومية هو واعد صديقتي بالزواج
وهي إستخارت عليه وإرتاحت وحلمت حلم وفسرناه عند أكثر من شيخ وكلهم يقولون إنها بتزداد صلاح بعد ماتتزوجه !!
وبتكون مسرورة بزواجهم
بس أنا لا أعرف كيف أصفح لصديقتي مثل هذا الخطأ
أحس بإن صورتها إهتزت في عيني
وكيف لي أن أتصرف مع صديقتي ؟؟
هل أكون معها وأسنادها بالحرام
أرجوكم يا أطواق نجاتي
أنصحوني تم تعديل العنوان
فيافي
التعديل الأخير تم بواسطة فيافي نجد ; 18-08-2007 الساعة 12:25 PM