هلا أختي الغالية شروق السعودية... والله كلج ذوق وإحساس يسعدني ويشرفني أكون
أختك ...وهالكلام قلته من قلبي لما شفت أختي وردتي بتضيع اكيد بكافح وبسوي المستحيل علشان انقذها واكيد لو عندج اخت ولا سمح الله طاحت بمشكلة بتسوين اكثر مني باين عليج من احساسج الكبير ... كلامك عدل أختي مشكلتنا انه في هالسن اذا غلط الواحد يقولون مراهقة والله ياما ناس عدوا هالمرحلة بدون اية مشاكل مايصير نعطي الشيطان اي فرصة ونقاوم لانة يمكن في هالمرحلة بس تكون قدرة السيطرة على النفس قليلة .. آه يا أختي خاطري أعرف بكاءها على وشو على الندم ولا عليه مع اني متاكده انه عليه ( الشاب) لانها بدت ماتاكل وحزينة ونزل وزنها .. وانا كل شوي اروح عندها واقولها تعالي نشوف فلم او تعالي ناكل وانا ادري تجي مجاملة منها بس في داخلها زعلانه مو مني لاني قلت لها انا احبج وحبيت راسها لاني حسيت اني قسيت عليها لما ضربتها .. اتمنى انها تنساه وقلت لها داومي على الصلاة والاستغفار حرام عليج تبين تشوفين ابوج يموت لاسمح الله من الصدمة اذا عرف انج
تكلمين شاب وتكون سبب موته انتي قالت لا مابي وصاحت .. وانا الموبايل اخليها تستعلمة لما انا ارجع من الجامعة يعني تحت نظري وعلشان مايحسون الاهل انه الموبايل مب عندها واخذه منها فليل .. واشيك على طول .. اتمنى ماتسوي شي من وراي هذا الي مخوفني ... بدعي لها والله يهدينا أجمعين

جزاك الله خير الجزاء اختي الفاضلة وشكرا على مرورك الكريم

__________________