السلام عليكم
أول شيء بلنسبة لكلمتي لاترسليلها مباشرة
احتمال تحدث نفسها وتقول هذي ضايقه مني وانا ازعجتها فأنا لازم أبتعد أو ماأفضفضلها
يفضل اختيار طريقة غير مباشرة وأيضاً ليس عن طريقك..


اعتقد هي تبي تفضفض ماتحاول تاخذ النصايح والدليل دائماً تصدك لو أعطيتيها نصيحه
وتحاول تجذب الإنتباه بأشياء مميزة مثل موضوع الزواج وماتتقبل النصيحه علشان بإعتقادها راح تاخذ اهتمام أكبر!
لو تبي حل كان أخذت وناقشت معاك..

صعبه الواحد يغير أمور في شخصية الواحد بسرعه وخصوصاً لو كان عنده هذا الشيء من زمان أو من الصغر
بس ممكن نغيرها بلصدمه او بلضغط الإيجابي

يعني مثال
إذا دقت عليك وبكت ابكي معاها لاتمسكين نفسك..بعد لمن تهدون ..إذكريلها أشياء سلبيه عندك..بعدين تواعدي معاها بجلسه مصارحه بمكان هادي!
أنتي فضفضي لها..اذكريلها أغلب أمورك السيئة أو مشاكلك(طبعاً هذي صديقتك وأتوقع تثقين فيها)
خليها هي تنصحك..او اكسبي النصيحه منها..ببينيلها ضعفك.. نفسيتها بتكون إيجابيه وبنفس الوقت بتكون متقبله اي شيء
وغير كذا شعورها بلقوة..هي مسيطره..جداً راح ترفع من معنواياتها لبعدين..ثقة تزداد
هنا بنكون سخرنا حساسيتها وتفكيرها الزايد لصالحها..بتفكر كم كانت نافعه وقوية
وغير كذا عطيتيها دافع قوي تتقبل نصائحك أو حتى تناقشها معاك
أنتي هنا بتكونين عارفة صديقتك تغيرت أو لا ..إذا تغيرت..انتهزي الفرصه وانصحيها
لاتحسسينها إنها هي الوحيده لها مشاكل..فكروا مع بعض تغيرون أنفسكم للأفضل
لاننسى الإسلوب..ساعدوا بعض!..حلوا المشاكل..ارفعوا معنويات بعض.وانهوا اللقاء بإبتسامه وضحكه ...لأن لها تأثير على النفس.. أو كل ماراح تذكر المصارحه راح تذكر الإبتسامه..فاراح يكون شيء ايجابي لك ولها

أما إذا ماتغيرت..لاتنصحيها بس اشرحي مشاكلك.. ومع الأيام ارفعي من معنوياتها ولاتنتقدينها أبد أبد
دائماً امدحيها..وانصحيها إذا كان الجو مشحون و(بحالكم) ولا زم تنهينها بإبتسامه

طبعاً هذا أحد الأمثله الغير معدوده إلي بإذن الله عن طريقة تتغير صديقتك وتتغير مفاهيمها

أنتي أعلم الناس بصديقتك..واحنا مانحط إلى فرضيات..لأن أشياء كثير مانعرفها
طفي النور وفكري بجو هادىء واتخذي قرارك كيف ممكن تنقذين صديقتك

وإذا أفدتك أدعولي