السلام عليكم ورحمة الله وبركاته

انا عضوه جديده وحبيت اطرح عليكم مشكلتي لاني نفسي افضفض من القهر الي فيني

اول شي انا حامل وفي الشهر السابع والحمدلله الحمل مو مبين على الرغم من وجود المشاكل الصحيه الي تصير لي لما احمل ولما اولد من نزيف الى نزول مشيمه الى والى والى مشاكل كثيره هذي مقدمه علشان تفهمون القصه

السالفه وما فيها ان زوجي من شهر عنده مشاكل با الانف خصوصا من المكيف زائد اعتقد والله اعلم ان عنده مشكله با الجيبوب الانفيه ولنا شهر ويمكن اكثر وحالته حاله مع ها الخشم وها العطاس والى الان ما راح عند دكتور وكل يوم بكرا يبي يروح وبصراحه انا احس بقرف شديد جدا جدا جدا من اي احد يكت خشمه او ينظفه عندي حتى لو هو حاط 20 منديل فوق بعض يعني مره حركه مقرفه با النسبه لي وهو الله يهديه كل دقيقه ماسك المنديل وتنظيف قدامي ويشوفني منقرفه واتافف واقوله بس مافيه فايده حتى احيانا يطلع من الحمام وبعدين ينظف خشمه طيب ماكنت تو في الحمام خلص امورك في الحمام يقول نظفته في الحمام بس وش اسوي هذي مره ثانيه انا عارفه انه غصبن عنه بس دور لك اي مكان ثاني مو قدامي وبصراحه ها الشي خلاني انفر منه جنسيا يعني ما ابي اي شي فيه تقريب من وجهه الو وجهي حتى ما ابي يحط راسه على يدي غصبن عني حسيت بنفور وقرف منه

المهم
الموقف الي صار انه قبل امس صحيت معه علشان اسوي له الفطور قبل ما يروح للشغل وطبعا ها الحاله تصير بزياده اول ما يصحى وبعد ما يغتسل ويطلع نبدا في ذا الموال من مناديل وتنظيف قان راح للزباله وتفل هناك يعني بصراحه اشمئزيت من قال انقرفتي قلت اكيد انقرفت احس اني متزوجه شايب قام سكت بعدين قال

طبعا قبل ما اقولكم وش طلع من درر لازم اقولكم وش فيني انا مع حملي هذا طلع فيني شعيرات دمويه الي تطلع في الحوامل غالبا وتروح بعد الولاده بس ها المره زادت علي وصارت في جهه وحده ومرهه تالمني وانتظر موعدي بفارغ الصبر علشان استفسر عن حالتي خصوصا انهم امخوفيني مره من النزيف والكلام الذي منه فاصارو ضاهرين ومزرقين وما ابي اي شي يجي رجلي هذي لو ضربها اي شي خفيف احس بالم فضيع


فا ابو الشباب وش قال قااااااال حتى انا احس بقرف من الي في رجلك كني مزوج عجوز مع انه في اوقاتنا الثانيه متشقق ومنبسط ان جسمي ماخرب مع الحمل بس الي انعدم صحتي فا انا رديت عليه وقلت والله الي فيني مو مني من ولدك الي في بطني وما اقدر اقطع رجلي واوديها للحمام لاكن انت في امكانك تروح وتخلص امورك في الحمام وقمت وانا مقهوره مره ليش لاني اهمل صحتي كثير واتعب نفسي وفوق هذا احمل اعيال وتعب وشقى واخر شي يقول لي كذا طيب اذا تبيني مانيكان ومايطلع فيني شي كان قلت من اول ابي مطلقه وعقيم او سو لك ربط قهرني والله والحين لنا يومين مانتكلم ولا لي نفس حتى اطالعه يعني انا والا مره قلت له ان اسباب نفوري منه جنسيا بسبب الي اشوفه منه وانقرف ومستحيه اقول اني انفر بسب ها الخشم والمناديل الي في كل مكان حتى لو كان ها الشي مو بيده بس في يده يروح لمكان ثاني وانا ابي اوصل له ان ها الشي هو سبب نفوري منه قام بيدافع عن نفسه وعن الاحراج الي جاه بشي غبي

قولو لي وش رايكم ولمشكله انه احيانا يبي الي بالي بالكم وانا اتحجج واضيع الموضوع لاني بجد ما اقدر خلاص اول ما اخذته كان جدا حريص على نظافته ويبعد عن الامور المننفره والحين اه بس

انا ما اقول انه وصخ لا والله بس لو يترك ها العاده الكريهه يمكن بعضكم يشوف الموضوع عادي واني مكبره الموضوع بس الموةضوع ماثر على نفسيتي

وش رايكم