معليش يا أختي
بس ما تلاحظي انه توقعيك حلو ؟؟؟
نحاول نخفف عن نفسنا بأنه نقرأ وندعي ونصلي على خير الرسل

شفتي يا أختي ،، كيف انتي مهتمة بالكلمات الحلوة وبالحياة الرومانسية وبالشغلات هذه ؟؟؟
والله العظيم انه الرجال مهتم بعمله ( يمكن أضعاف أضعاف أضعاف ) اهتمامك بهذه الشغلات ، حاولي لمن يكون مشغول انتي اشغلي وقتك بأشياءك الخاصة باتصالاتك مع الناس وأقاربك ولمن يرجع البيت اتركي له مجال يرتاح لوحده ( إذا كان من هذا النوع) وبعدها ابتسمي في وجهه وبس واتكلمي بصوت هادي وناعم

ترى لو الرجال يترك عمله ويعطيكي كل حنانه
راح تتركيه بعد كم شهر
لمن تعرفي انه ما قادر يجيب لك قطعة قماش تلبسيها

عشان كدا لا يكون همكم يا حريم
مو بس انتي
والله كلكم هذا همكم
ليش مين قال "امل كل فتاه ان تحظى على زوج يشبع احساس انوتثها بالعبارات الجميله والكلمات التي تشعرها بأنها ملكة في الدنيـــــــــــــــــــــــــا "
بالعكس والله ما نبغى حريم زي كدا
إلا إذا ربنا خلقنا عشان أزواجنا وعشان نعيش لهم هذه الدنيا وما نموت أبدا

لازم ترقوا بالتفكير يا حريم
أرجوكم
والله حاجة تقطع القلب
لمن نحس انه هذا بس اهتمامك في الدنيا
ترى والله ما خلقنا الله عشان الرومانسية

سامحوني على اسلوبي
والله يوفقك يا كاتبة الموضوع
ويسعدك مع زوجك

الخلاصة مكتوبة باللون الأحمر