بصراحه مدر وش اقول لك اسلوب ردودك مع المطلقات مدري ماعجبني

وانا مقدره الوضع اللي انت فيه لاني امر فيه انا وزوجي انفصلنا بسبب مشكله وانا غلطت في حقه واعترف

لكن ندمت اشد الندم اني زعلته وبكيت وبست حتى رجلينه


وهذه اول

غلطه اغلطها معاه كنت احبه واهتم فيه وماكنت مقصره معاه في اي شي وحتى الدلع ومدلعته

ومع هذا ماشفع لي ولاشي عنده لاحبي ولا حناني ولاطيبتي ولا العشره اللي بينا ولاصله القرابه ولا امه

المشلوله على فراشها وهي تبكي وتقول لاتطلقها ولاشي شفع لي ولا شي مع اني سامحته على

حاجات كثير ومشيت كثير لكن يوم جا دوري وغلطت تركني وتخلى عني وخلاني اتخبط هنا وهناك

وانا واثقه انه يحبني ويموت على ترابي لكن تدري وش موقف سعادتي معاه كبرياءه وانه قرار هو متخذه من

من زمان ودامك ماسمعتي الكلام وغلطتي انتهى تخيلت كيف داس على قلبه وباعني يعني سامح ناس كثير ماتستاهل وعطى ناس ماتستاهل فرص وللحين يعطيهم وهو عارف انهم يستقلونه وانا ماابي منه غير اني احبه طول العمر واعوضه عن اللي فات وابدى معه صفحه جديده باعني واول ماانفصلنا راح يخطب بس رجع لعقله وبطل ماعاد يبي يتزوج والى يومك اشوفه بالماسنجر ويقول لي احبك واموت فيك بس والله ماارجع
ايه انتي الهوى اللي اتنفسه بس والله ماارجع وانا متاكده راح يصير معه نفس ماايصير معك لما يرتبط ويتزوج بعدين لكن بعد ايش بعد مايفوت الاوان وربي اني اتعذب لبعده وهو بعد لكن ليه الكبرياء هذ كله

وعموما اتمنى ربي يفرج همك والله اللي تمر فيه مو بسيط وربي يوجع كثير وانا اكتب لك الان والله دموعي ماليه عيوني بس ارجوك لاتظلم زوجتك الثانيه مسكينه

تقبل مروري