منتدى عالم الأسرة والمجتمع - عرض مشاركة واحدة - اذا امي قلبها قاسي وين الاقي الحنان

21-08-2007, 07:55 AM

عضو نشيط

تاريخ التسجيل: Aug 2007

المشاركات: 156

اختي الفاضله امك يمكن لها نظره مختلفه وماتبغى تشجعكم على ترك ازواجكم هذا مايعني انها ماتحبكم وهذا ترى حال معضم امهات الخليج بالذات مايحبون يطلعون مشاعرهم وتعاملهم يختلف مع البنات
لاتحاولين تغيرين امك انت تغيري واستسمحيها وغضي الطرف وبالنسبه لحريم اخوانك لاتحطينها في موقف محرج زي كذا انتي كبيره وخذي حقك بنفسك او روحي اذا كانت لحالها وترى القطيعه عقوق مو بس الخصام
حاولي تتداركين الوضع حبيبتي ولاتفتحين معاها مواضيع تجيب الزعل وبوسي راسها ولاتخلين الشيطان يدخل بينكم ترى العقوق عقوبته في الدنيا قبل الاخره ولو بريتيها وبالغتي في البر يمكن زوجك يتغير وادعي لنفسك ولزوجك بالهدايه والتوفيق وحاولي تضبطين غضبك وتغيرين من اسلوبك مع زوجك وكلميه بكل هدوء وحنيه يمكن يتغير ترى الرجعه عند الاهل مو حل حاولي تعرفين اش يبغى بالضبط واجتهدي وحسسيه انك تدورين على رضاه وراح يفرق معاه اكيد اهم شي لاتزيدين الطين بله صدقيني بقطيعة امك راح تخسرين اكثرحتى لو امك غلطانه راضيها
وخليها تدعي لك وراح تتوفقين باذن الله
اما الحنان فلا تحاولين تمنين نفسك باشياء يمكن امك ماتعودت عليها اكتفي بانك تعطينها ولا تنتظرين مقابل واحتسبي الاجر عند الله (لاتخلين رمضان يدخل قبل ماتراضينها حتى لو قعدت معضم الوقت ساكته
المهم روحي وتجاوزي عن اي احد يغلط وقولي لامك انك مارديتي عشانها راعوا كبرها لاتتزاعلون وخلوا زيارتكم لها ممتعه بدون شكاوي واذا قدرتي تستشيرن مختص في حاتك مع زوجك( بسريه طبعا )لاتترددين
الاهل مايقدرون يفيدونك عشان جيلهم مختلف والزوج عندهم يضرب والزوجه تدعي له
الله يخلي امك ويرزقك برهاورضاها ويوفق بينك انت وزوجك (كل ليله في رمضان ادعي لنفسك ولزوجك )