اهلين نجوود.. والله مني عارفه اش اقلك بس حالك مهو احسن من حالي واجازتك مهي احسن من
اجازتي .. بصراحه انا زيك كنت متوقعه الاجازه دي حتكون غير عن الي قبلها وحاكون مع زوج يسعدني
ويحسسني انو الاجازه دي غير .. بس يلا الحمد الله على كل حاال.. بصراحه انا قضيت الاجازه اغلبها في
البيت .. حاولت اخرج كم مره اروح عزايم وافراح واحس انو الوضع عادي وناسيه الهم .. بس اول ماا ارجع
افتكر انو حارجع للهم تاني .. والشي الي منكد عليا زياده انو انا متخرجه من الجامعه ولسا سنه جالسه
في البيت لا شغل ولا مشغله وروتيين يعني الي مضايقني انو حتبدأ الدراسه ومافي دوام الاجازه دي وقت
الدراسه كلو زي بعض عندي ..بس الي هون عليا اني قربت من ربي واستغفر الله كتير وعندي امل كبير في الله اني حيغير وضعي داا .. وان شاء الله ربنا كريم يرزقني ويرزقك ويرزق كل البنات يارب
