امممممممم...

حبيبتي يعتمد..

يعني اذا ماكنت جذي وفجأة صرتي ..فأكيد في سبب..

مضايقج شي ..تفكرين في شي..

اما إذا انتي جذي من زمان ييختلف الأمر ..

أنا مثلا أكثر من نص يومي في غرفتي ..ماأطلع منها كثير ..

إلا إذا امي كانت قاعدة بروحها ..

أما اغلب اليوم قاعدة في الغرفة مع النت غالبا بس باب غرفتي مفتوح ..وغرفتي تطل على صالة البيت ..

فناس رايحة وناس جاية ..

ومثلج ماأحب التجمعات العائلية أبدا ..ومعروفة في العيلة بكبرها بأني ماأطلع من البيت ...إلا للشديد الأوي ..

حتى العزايم والمناسبات العادية ..ماأحب الاختلاط بالناس كثير ..

واذا قعدت معاهم ..اكون ساكته ..مستحيل أدير دفة الحوار أو افتح موضوع ..

يدوب يسألوني واجاوب ..هذا مع اني مدرسة تخيلي ..

واذا كلش كلش بتكلم بكلم وحدة جنبي بصوت واطي ..

غير عن بنات خالي وخالتي وخواتي ..

يقولن عني هادية ..

وبصراحة انا عارفة ان طبعي هذا يمكن مايعجب ناس وايد

بس شسوي بعد هذا طبعي واأقدر أغيره وبالأصح ما احب أغيره ..

من وجهة نظري البعد عن الناس غنيمة ..

أدري سنتدرتج ..

بس الخلاصة اقولج إذا هذا طبع فيج عادي لاتكبرين الموضوع

وإذا فجأة صار لج هالشي ..ترى تمر على الإنسان لحظات يحس نفسه يحب يقعد روحة ومايبي يختلط بالناس ..

عادي يعني ..لاتكبرين الموضوع

انا اعتبرها ظاهرة صحية ..