حمد لله على سلامتك يا شوشو و اهلا اهلا بالعروسة الصغيرة و يا ريت متكونيش نسيتينا فى دعاء ختم المصحف

زهور الدعاء ربنا يبارك فيكى و الله الشعور متبادل و من حبوه اثنين فان الله الثالث و الحمد لله على المحبة اللى فى القلب و ربنا يديمها بينا ان شاء الله

فى حاجة فى كلامك احب اناقشك فيها انتى قلتى (ياليت تخلو الكلااام تنفيس عن المواقف عن العلاج عن الأحلام) سؤال احنا ممكن ننفس عن ايه ممكن احلامنا تكون ايه؟ فكدة فى تناقض و حنبقى ذى ماحنا و انا معاكى برضو اننا لازم نشيل الموضوع من دماغنا و انا كمان بنصح كل البنات بكده انهم ميحطوش امل كبير فى كل شهر هم بس يعملو اللى عليهم كل شهر و انا حتى قلت الكلام ده لحلمى قريب و انا كمان بعمل كدة انتو عارفين انا امتى بكتأب لما بحس انى انا و زوجى قصرنا شهر و معملناش اللى علينا فيه لكن لما بنعمل اللى علينا و ميحصلش نصيب بقول امر الله و الحمد لله على كل حال

احنا فعلا محتاجين تعديل فى كل شئ بس مش فى اللى احنا بنقوله لبعض لأ فى طريقة تفكيرنا فى الموضوع نفسه و ذى مانتى قلتى قبل كدة نحاول نفهم كل اللى حوالينا اننا احنا اللى مش عاوزين اطفال و دى اول حاجة نخلص بيها من الزن على ودانا فى الموضوع ده و تانى حاجة اننا نركز على اللى ربنا ادهولنا فى حياتنا حنلاقى حاجات كتيييييير ممكن متكونش عند غيرنا (نشوف الجزء المملؤ من الكوب)
فى واحد صاحبيتى كانت الناس بتسألها على موضوع الخلفة و هى اللى كانت مأجلة الموضوع فكان ردها جميل قوى اننا عشان مخلفناش لحد دلوقتى يبقى حاجة من اثنين 1- اننا مش عاوزين نخلف و دى حاجة خاصة بينا و غير قابلة للمناقشة 2- اننا عندنا مشكلة فدى برضو حاجة خاصة بينا و غير قابلة للمناقشة برضو
انا عملت الموضوع ده مع اهلى الناس بطلت و الحمد لله

احنا ممكن نحط نقط لحياتنا نمشى عليها اننا منفكرش فى الموضوع بشكل جامد اننا و اننا و اننا ........

كمان ممكن ان شاء الله نغير اسم الموضوع فى الجزء الثالث لاسم يدخل الامل لينا

و انا اول المقترحات لاسم جديد (امهات المستقبل) و احنا كمان بمناسبة الاسم ده جاتلى فكرة اننا ممكن نتشارك نحب نربى اطفالنا ازاى كل واحدة تكتب تحب تعملهم ايه تعاملهم ازاى

بس رجاء لينا كلنا اننا نتفق على الاسم عشان منتوهش من بعض فى الاسم الجديد

ملحوظة لحلمى قريب : انا عدلت مكانك فى لستة الدعاء من اللى عايزين يتجوزو الى اللى نفسهم فى الذرية الصالحة

و ان شاء الله كلنا نكون فى الطريق الى امهات المستقبل

ربى لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة