زهور الدعاء انا معاكى 100% فكل كلمة قلتيها و كمان نصيحتك الجديدة راااااائعة و هى اللى حتجننى بقى مش اكتر من موضوع الحمل ازاى الاقى دكتور او دكتورة كويسة و خصوصا انى فى الغربة و هنا فى كل اجناس الدكاترة و مش عارفة اروح لمين و بخاف انى اروح لحد يقعد يفتى فيا و خلاص بس لما بيأس بسيب تكالى على الله و هو اللى حيحمينى لانى اتعرضت لتجربة فى بلدى الموضوع ابتدى انى رجلى اتلوت و بدل متتعالج صح بقالى اكتر من سنة بعانى من تمزق للاربطة تخيلو مجرد فتى دكاترة و الحمد لله على كل حال برضو
ام المهدى حمد لله على سلامتك متعرفيش انا كان فكرى مشغول بيكى قد ايه كان نفسى اتطمن عليكى اااااااااااااااااااااااد كدة و الحمد لله انك نورتينا تانى و على سؤالك (اذا حرام او كذب لا سمح الله اذا بينت للناس انه انا مو مهتمه بسالفة الحمل ) انا بقولك ربنا رب قلوب و احكيلك على حكاية واحد من الصحابة اسمه ياسر بس انا بصراحة مش فاكرة ياسر ايه كان من كثر تعرضه للتعذيب على يد الكفار و بيعذبو والديه (اللى نزل فيهم صبرا آل ياسر فان مثواكم الجنة) و عشان يرحموه من التعذيب و يرحم والديه (استغفر الله) ذكر الله و رسوله بسؤ فلما تركو سراحه و عرف الرسول قاله بما معناه ان ربنا عارف اللى فى قلبه و ان ان شاء الله ربنا غافرله و دا نطق بالكفر فما بالك اللى بيقول كلام و ربنا عارف ان فى قلبه عكسه عشان يترحم من قسوة الناس اقصد ان ربنا غفر فى الكبائر فما بالك؟
حلمى قريب ان شاء الله نفرح بيكى و فعلا على رأى زهور الدعاء نفرح بيكى و مش مهم فى اى شهر المهم نفرح بيكى و خلاص و ان شاء الله كلنا نفرح ببعض يا رب يا رب
طب زهور الدعاء اقولك على حاجة انا نفسى اطلع حامل الشهر دا (بس اذا محصلش الحمد لله برضو) بس عشان انا ممكن اعرف اذا كنت حامل ولا لأ فى نفس وقت عيد جوازى و مش عشان عيد جوازى الرابع لأ عشان نفسى تكون هى نفس المناسبة اللى ابشر زوجى فيها (حاجة رومانسية) و خصوصا انى قريت على افكار رومانسية لتبليغ الزوج و عجبتنى قوى الفكرة انى اجيب هديو و الفها و اكتب عليها كارت بتقول والدى العزيز انتظرنى بعد 9 شهور حاستها تحفة قوى خصوصا انه اكيد حيكون فاكر انها هدية جوازنا بس عشان الموضوع ده اللحظة الرومانسية مش اكتر و ربنا كبير ان شاء الله بس انا كمان مظبطنا نفسى نفسيا انه مش حيحصل و انى المفروض الشهر اللى جاى اعمل الاشعة و اللى بعده اسافر مصر عند اهلى و لما راجع ابقى اكمل المتابعة عند الدكتور
يااااااه انا رغيت قوى بس انا قلت كل اللى فى نفسى و ان شاء الله خير لينا كلنا بأذن الله
ربى لا تذرنا فردا و انت خير الوارثين
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة