ღ تـبـيــك تـسـمـعــهــــا !! ღ
الريــايـيــل 2 / الحريم 1
. تدري ؟ انهم سوو دراسه امريكية حول رجال الاعمال الناجحين والقادة المتفوقين
ولقوا ان في صفة وحده تكررت في الجميع دون استثناء ؟!! اهي صفة ومهارة حسن
الاستماع .
والانصات وحسن الاستماع انك تنصت وتسأل وتتفهم وبعدين تعلق وتبدي رايك .
واحلى انصات منك يا زوج يا محب يا قائد انك تسمع وتنصت لزوجتك .. وانك موبس تسمع
لأ .. انك تتمتع بحوارها وكلامها وسوالفها وغشمرتها وتسرح بحروفها بعد .
المرأة كائن هرموني حساس يتأثر بالكلمة الدافية وبالاهتمام الكبير .. وماكوا احسن من
حسن استماعك لها كدليل كبير على حسن اهتمامك فيها .
. يقول عطاء بن رباح
" إني ليحدثني الشاب بالحادثة , فأدعه يسردها وينتهي , وقد سمعت
بها قبل أن يُولد !! ".
شفتوا شلون الانصات أدب .. وفن .. اهتمام .
من اليوم ورايح عاهد نفسك انك تسمع زوجتك وتحاول تطلع الحرف منها ولك مني هالاقتراحات.
ღ إذا طلبت منك تسمعها لموضوع مهم .. لاتقولها مشغول او بنام .
ღ اذا ردت من الدوام تعبانه ... قولها يعطيج العافيه يا الغاليه شلون كان يومج ؟
ღ اسألها عن اهتمامها وطموحها وخلها تسرح بالفضاء
ღ اسألها عن البيت وشنو تحب فيه وماتحب ؟
تذكر انك لي سويت هالشي بتكون النتيجة
2 للرياييل / 1 للحريم
شلون ؟
الرياييل = بتكسب وناستها اللي راح ترد على جو البيت بالايجابية , وزيادة حب لك
بقلبها البرئ .
الحريم = بتنفس عما في صدرها وتنشرح نفسيتها وتلقى الاهتمام اللي تبيه .
