السلام عليكم


أولا حابة أشكر أختي الغالية كوكار على اهتمامها بالموضوع ومتابعة أخبار الجميع رغم انشغال الجميع والتقصير ولكن الله العالم بظروفنا بالنسبة لي ظروف عمل زوجي له شهر صعبة شوي وكل اسبوعين في منطقة بس الحمدلله قرب ينتهي ونرجع نستقر بإذن الله وانتم دايم على البال أخواتي العزيزات والله لايضيع صبركم وتعبكم وتصير فرحتنا برمضان فرحتين فرحة برمضان وفرحة بحملكم بإذن الله الواحد الأحد


حبيباتي أم المهدي وراميا الله يعوض عليكم يارب ويفرحكم في القريب العاجل ارضوابقضاء الله وقدره والله سبحانه مايقدر أمر إلا لحكمه ويمكن الحمل هذا كان فيه شر والله صرفه عنكم أحسنوا الظن بالله وتذللن بين يديه وادعوه بالعوض الصالح والله لايخيب لكم رجاء وجميع أخواتنا يارب

أمابالنسبة لآخرأخباري اللي اعتبرها مفرحة طبعا أولا تعدل نومي بعد خربطة الإجازة والسهر وقلة الأكل لأن الدكتورة نبهتني إن الجنين وزنه ناقص شوي وقالت بسبب السهر وقلة التغذية بعدها عزمت أتعدل وأعدل نومي وأكلي وعندي مراجعة الاسبوع الجاي إن شاء الله يكون وزنه زاد .


ثاني أخباري أنا في الاسبوع الثاني من الشهر الثامن ومليت من الحمل وموبس أعد الأيام لا شكلي بعد الساعات ودي أولد وأخلص ومابي أتاخر وأطول في التاسع نفسي أولد في أول أسبوع اللي راح يصادف أول أسبوع من رمضان وأرتاح دارية غثيتكم بكثرة كلامي بس ماعندي بعد الله إلاإنتم تحملوني عاد

وان شاء الله يارب في هذي الجمعة المباركة يرزقكم بالذرية الصالحة اللي تفرح قلوبكم وييسر ولادتي واشوف ضناي الغالي بأتم صحة وعافية ودمتم في رعاية الله .