امي حولت يوم زواج اختي الى نهر من البكاء والظلم
السلام عليكم و رحمة الله و بركاته
اشتقت للمنتدى كثير بعد اجازه حافله و متعبه
احب اذكركم بموضوع انا كتبته قبل فتره
http://www.66n.com/forums/showthread...E1%C8%DA%CB%E5
اختي الحمد لله شافت الشاب بالنظره الشرعيه و ارتاحت له و تزوجو بفتره جدا قصيره اقل من اسبوع والان صار لها تقريبا اقل من شهر متزوجه و الولد رااااااااااااااائع جدا معها و لله الحمد الله يديم عليهم السعاده يارب
ابدا موضوعي وهي مشكله مضيقه صدري من يوم عرس اختي لليوم وسببها امي الله يسامحها
امي طول عمرها بعيده عنا ما اقصد المكان لأ هي ساكنه معنا ومع الوالد ( ليسو مطلقين الحمد لله )
لكنها بعيده عنا روحيا
ماتعرف عن مشاكلنا شي و لانعرف عنها شي ، متفاهمه مع كل بنات العائله وتحس بمشاكلهم وتبرر كل تصرفاتهم بطيبه الا انا واختي بالعكس تماما اي شي نسويه و يكون قصدنا نريحها ونسعدها وتفسر هالشي بالعكس تقول انتو تكرهوني انتو بس تبغون تبعدوني عن حياتكم ومن هالكلام
صارت ملكة اختي الأحد والسبت اللي بعده تحدد العرس (
اقل من اسبوع بسبب دراستها )
يوم الاثنين سافرت اختي تجهز من مكان وانا سافرت لمكان ثاني وجيت فجر الجمعه اللي هو قبل زواجها بيوم
وامي حساسه جدا وشفت نفسيتها تعبانه عشان سفر اختي وحاولت اخفف عنها قدر الامكان قعدت عندهم مع عيالي ومارحت لبيتي واستاذنت من زوجي وطول يوم الجمعه وانا احاول اني ارتب مع اختي شنطها ( شنطة الفندق - شنطة العمره - وباقي جهازها ) الوالده الله يهديها تدخل علينا الغرفه وهي حووووووووووووووسه و تقول ابوكم يبغا يشوف الجهاز وانا اقول لها طيب بس خليني ارتبه بدل هالحوسه وتطلع و ترجع تدخل وتعيد نفس الكلام اربع مرات واختي اصلا رافضه ان ابوي يشوف الجهاز تقول عيب يشوف قمصان النوم والخرابيط
وانا اقولها معلش عشان بابا مو مشكله
فجاه انزل تحت الى الوالده تبكي ومو راضيه تكلمني ( انا توقعت عشان سفر اختي وقاعده اقنعها انه مافي داعي لهالكلام ) بس هي مو راضيه تكلمني ، ناظرت للوالد وقلت له وش فيها الوالده قال انتو ماتفهمون ليه ما تخلون امكم تساعدكم بترتيب الشنط !!!!!!!!!!!!!!!!!!!!!!!!!!!!!!!!!!!!!!
قلت احنا قال انتي بالذات !!!!!!!!!!!!!!!!!!! قلت مو معقوله ( امي ينزل ضغطها حيل لدرجة الخطر ) والله انا خايفه على امي وابغا اريحها
قامت امي قالت لا انتي كل ماادخل وابغا اساعدكم تشيلون الأغراض عني !!!!!!!!!!!!!!!!!
قلت لها والله العظيم ماصر هالكلام اصلا انتي اللي جايبه الجهاز وانتي اخبر مني بس انا قصدي اريحك وانتي ماقلتي انك ودك ترتبين الشنطه معانا قالت انا قلت لكم ابوكم يبي يشوف الجهاز مع انه ما يبغا يشوفه بس قصدي اساعدكم !!!!!!!!!!!!!!!! ورفضت تكلمنا طول اليوم وهي لاتكلمني ولا تكلم اختي وجت النقاشه و راحت وامي ماهي معنا بس لحالنا قالت زي ما بديتو لحالكم كملو لحالكم ( تخيلو نفسية اختي )
ويوم الزواج وهو اللي مضايقني لليوم
قامت الصبح وقالت انا ماني رايحه الصالون معكم قالت لي روحي لحالك للفندق جهزي اغراض اختك انا و اختي ساعتها انفجرنا من الصياح يعني مو معقوله هذا يوم فرح ليه تسوي بنا كذا حتى الوالد قعد يلومها قالها ليه ماعلمتيهم انه ودك ترتبين الاغراض معاهم هم مايدرون انه مبسوطه بترتيب الشنطه ودهم يريحونك
قالت انا استحي !!!!!!!!!!!!!! قلت اذا انتي تستحين منا اجل احنا وش موقفنا منك !!! قالت اختي اذا انتي ماوجهتينا من يوجهنا بالله علميني خطيبي يكلمني هو واهله سهرانين باستراحه للصبح وناسه و ضحك واحنا هواش وصياح على شي مايسوى وقعدت امي تصيح وتلومنا واختي قعدت تبكي
والوالده تقولها حتى انتي كل ماجيت اناظرك ماتناظريني عاد اختي انفجرت قالت لها انا من يومين وانا ماني قادره اناظر احد فيكم لاني اجي ابغا اصيح وما ابغا اضايقكم !!!!!
بالله عليكم ودي افهم ليش امي سوت كذا ؟؟؟؟؟؟؟؟؟؟؟؟؟؟ وايش رايكم بموقفها و موقفنا ؟؟؟؟؟؟؟؟؟
و ليش هي حنونه على غيرنا و علينا دايم تفسر تصرفاتنا باننا نكرها و نبي نتعبها من يوم واحنا اطفال وهي تقول انتم تستانسون اذا شفتوني تعبانه ؟؟؟؟؟؟؟؟؟
اسفه على الاطاله بس الموضوع من جد مسبب لي ازمه عشان يوم فرح اختي تحول لنكد ويوم لاينسى بالنسبه لعروس تحول الى يوم كريييييييييييييييه ومبكي .