أختي الكريمة
بالعكس والله شي حلو منك انك تعاتبي نفسك
تصدقي والله والله كنت مثلك
والأفلام اتفرجها طول الليل لوحدي
لكن بعد وفاة عمي ورؤيتي له قبل دفنه
حسيت اني ضيعت من عمري الكثير
كان وجهه مبتسم ومرتاح
كنت أكلم نفسي وانا اشوفه واقول هذا عشان قراءته للقرآن يوميا
وحفاظه على صلاة الليل وصبره على مرضه ومرض بنته
وبعدها بأقل من شهرين توفت بنته بنت عمي اللي دوبها زهرة وتفتحت للحياة
عرفت بعدها وايقنت ان الموت مايعرف صغير ولا كبير
الأعمار بيد الله سبحانه
والله ياحبيـبتي اني كنت لما اجلس لحالي في الليل وبشغل فيلم من الطفش
اتذكر ..............................
لو جاني الموت بعد شوي وانا اتفرج وش استفدت
يمكن ماأصحى لثاني يوم ويكون آخر عهدي اني اتفرج فيلم
لو تشوفيني وقتها كيف.............
على طول اتوضأ وأصلي صلاة الليل واقرأ القرآن حتى يغلبني النعاس
وثاني يوم نفس الطريقة انسى واروح للتلفزيون وارجع اتذكر الموت والخوف من العقاب
واتوضأ وأصلي ............................
حتى اتعودت وصار لي الآن ولله الحمد سنة ونصف وانا لم أرى فيلم واحد
والله والله ماأكذب عليك
حسيت الأيام كلها متعة والطفش اللي كان يصيبني والله ماعاد شفتوا
ومرة كنت مع زوجي بالسيارة ورأيت سيارة امامنا وعلى الزجاج الخلفي كاتب
(تذكر الموت يـا غـافل)
والله وبإذن الله ياسمو الأميرة تكون هالكلمات اللي سطرتيها بداية للهداية
وإن شاء الله يتمم ربي عليك ويسعدك في حياتك
ويجعلها كلها صلاح وتقوى
وسامحيني ان طولت عليكِ
حتى انا أحس اسلوبي مش ولا بد
تحيـــــــــــــــــــــاتي