منتدى عالم الأسرة والمجتمع - عرض مشاركة واحدة - ::: من منكم مغتربا ::: ومن منكم ليس مغتربا :::

31-08-2007, 10:44 PM

cute_baby

كبار شخصيات المنتدى

تاريخ التسجيل: Jul 2004

المشاركات: 7,421

معقول ياملوكة لليوم ماعرفتي شو أصلي

وانا اللي زرتك بموضوعك في قسم السياحة عن شاورمة غزة

لا هيك رح أزعل منك

شوفي ياغالية .. أهلي وبالذات الوالد كان داائما يحااااااااول ان يحببنا لأرضنا ولوطنا ويقربنا منها

وكل صيف نسافر هناك ونقضي الصيفية كلها هناك بين اخوالي وخالاتي

بس بآخر صيفية تمرمطنا مزبوووووووووووووووووووط دخلنا ومنعنا من الخروج بسبب أخي لازم يطلع تصريح من اليهود والتصريح أخد شهر ونص ليطلع

غير القصف والغارات اللي بالليل

كان بالنسبة لي أول مرة اشوف هيك اشياء وأعيشها ع أرض الواقع ..كنت بس اشوفها ع التلفزيون وادعيلهم

كانت محطة بحياتي لاتنسى ... صعب جدا أنساها ....شفت الموت بعيوني ... وكل اللي كان محزني بوقتها إني ما اقدر اشوف بابا بعد هيك ..

الوالد عرضت عليه الجنسية ببلد اقامتنا مجااااااانا ..تخيلي برغم صعوبة الحصول عليها لدرجة المستحيل

ورفضها ...كل أمله اننا نرجع ونعيش هناك بين أهلنا وع أرض وطننا وناكل من خيرات بلادنا و ....

بس ياملك والله مو كل شي بيتمناه الواحد بيلاقيه

يعني نحنا ماتغربنا من فراغ

لو كان في راحة بال وامان ووضع معيشي الواحد يعيش وهو مرتاح كان من زمان بنينا بيتنا وعشنا بين اهلنا

الناس اللي هناك بدأوا يفكروا يطلعوا من البلد من صعوبة الحياة ... مستوى الفقر عندهم تحت الطبيعي

بس ع قولتك الواحد يأسس نفسه ويكون مستقبله ويهيء لنفسه وضع معيشي يرضيه ويريحه وبعدها ربنا بكون فرج هم هالبلاد وريح أهلها

ساعتها الواحد ممكن يفكر يرجع

بس حاليا لازم تتحملي وتصبري الغربة بأولها صعبة ..بس حاولي تتواصلي مع أهلك عن طريق الانترنت صار أسهل .. نحنا هيك بنتواصل بالصوت والصورة مع خالااتي واخوالي

الله يهون عليكِ غربتك ويصبرك

ويريح بالك وينور بصيرتك ويرجعك لأهلك سالمة غانمة ويقر عينك برؤيتهم بأحسن حال

__________________

.

إلهيْ ’ / أبدل عُسَرِنا يسُراً ,
وفرّج عَنِا كُل ماَ ضاَقتَ بهِ صدُورَنا , وحَال معُه صبَرنُا و إَرزقِنا مَن حيَثُ لَا نحتَسُبْ..آمينَ

.