دلع
بصى يا سيتى انا بعمل الاتى
3 كوب دقيق + 1\4 كوب زيت زيتون + ملعقة كبيرة خميرة جافة + رشة ملح + ملعقك كبيرة سكر + ماء دافئ (و لازم يكون دافئ مش سخن يعنى تستحمليه على ايدك ذى رضعة البيبى لان السخنة بتهبط العجينة)

الطريقة:

1- الخميرة + السكر + 1\2 كوب ماء دافئ و نخلطهم و نتركها تخمر من 10 الى 15 دقيقة
2- نخلط الدقيق + رشة الملح ثم نعمل حفرة و نضع فيها الزيت و الخميرة بعدما تخمر و نضيف الماء الى ان تتكون عجينة لا تلزق فى الطبق او اليد
3- نعجن العجينة من 5 الى 10 دقائق (اذا فى العجان يكون ممتاز اذا مافيش نعجنها على الرخامة مع رشة دقيق)
4- نحطها فى طبق العجن نتركها تخمر ثم بسويها فى الصينية من غير مدهنها اى حاجة (انا بقلب الصينية و بفرد العجينة على قاع الصينية من الخلف) و احط الصوص بتاع البيتزا و الحشوة و اتركها مغطاة بفوطة لمدة 1\4 ساعة

ملحوظة: من اول مابتدى افرد العجينة على الصينية بشغل الفرن على درجة حرارة متوسطة 200 و بحط الصينية على الرف اللى فى النصف و انتظرها الى ان تحمر
انا نسيت اقولك ان الكمية تكفى الى صينية كبيرة و واحدة صغيرة

و بالهنا و الشفا

اذا جربتيها قوليلى النتيجة و ان شاء الله تعجبك

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة