خائفة من عقوق والدي ؛ مالعمل معه ؟
ياناس أنا مهمومه .....وما أحب أشتكي الا لله .......ولكني حايره جدا جدا
بقولكم وبتوكل على الله
أنا والدي من دوله ثانيه وهوطيب جدا جدا وكريم وبيته مفتوح للناس وخصوصا مفتوح لأخوانه واعيالهم
ويوم اللي يبغي يزورنا من دوله ثانيه يعزم أخوانه وأهله وأعيالهم على بيتنا
والبيت ينقلب فوق تحت من العيال والشنط والعالم اللي داخله طالعه
وعزايم وأكل وزوجي راتبه يادوب يعيّش أبناءه
واذا شافني أبوي متضايقه من الناس ....يزعل ويعتبرني أني نحيسه وقاطعه رحم
والبيت ينقلب أزعاج أزعاج ماله حدود
والله ودي أرضي والدي
ولكن هالشيء فوق طاقتي أنا أبنائي ما أقدر أتحمل أذيتهم أشلون أبناء غيري
والله أحب أوصل رحمي ولكنهم ما يحسون أزعاج
وخايفه من القطيعه من أهلي فأضطر أجاملهم على حساب صحتي
وأحاول أني أكرمهم على حسابي وحساب زوجي
علما بأنهم لو أرحب بهم لن أنتهي للأبد
وفي نفس الوقت لا أحب أن أقطع رحمي
وخايفه من زعل أبوي وعقوقه وفي نفس الوقت خايفه على صحتي من المجامله التي بلا حدود
فماذا أفعل ماذا أفعل ياربي شسوي
هل أنتم تحسون بما فيني
أرجوكم علموني شسوي ؟؟؟؟؟؟؟
آه آه آه
الإشراف : تم تعديل العنوان للفصحى .