محتارة الله يخليكم ساعدوني
السلام عليكم ورحمة الله وبركاته
انا عضوه مني جديده ليا فتره في المنتدى بس ما اكتب فيه كتير بس بصراحه لازم ادخل كل يوم اشوف المواضيع الجديدة وأقرأ الردود وبصراحه من ردودكم للمشاكل احس اني اثق في تفكيركم وأرئكم عشان كدا مااترددت اكتبلكم مشكله عندي ..
انا عمري 23سنة متخرجه ليا سنه من الجامعه وبصراحه جالسه في البيت ليا سنة ومني لاقيه وظيفه وحاسه بفراغ مرره كبير وكل يوم ادعي ربنا انو يرزقني بإبن الحلال الي يخرجني من الفراغ الي انا فيه
مشكلتي وهيا اني انا دحين ممكن تجيني فرصة وانقبل في البعثات واسافر بره اكمل دراستي المشكله انا مرره نفسي اروح حتى اهلي يبغوني اروح وموافقين والحمد الله بس المشكله بنت خالتي يوم ماجلست اتكلم معاها واقلها الموضوع اني ممكن اسافر وكدا جلست تخوفني وتقولي لو سافرتي ماراح تتزوجي حتعنسي واصلا انتي كبيره خلاص ماينفع تسافري ومحد راح يرضى بيكي بعد سنة وتبغي تسافري كمان
بصراحه مره انقهرت من كلامها بس مني عارفه كلامه صح ولا غلط صح انا خلاص اعتبر عانس وصح لو سافرت ماراح اتزوج وماراح احد يرضى فيا ..
انا قلتلها الدراسه دي فرصه وانا الي لازم اروح ادور عليها واجري وراها اما الزوج نصيب ووهو حيجيني لحدي مو انا حاجلس استناه "بس انا قلتلها الكلام وفي قلبي مقهوره من كلامها" فألله يخليكم ابغاكم تساعدوني وتقولولي رأيكم انا مره محتاره والله صح نفسي اروح ادرس واكمل دراستي بس في نفس الوقت ابغا اتزوج ابغا يكون ليا اطفال وانتو عارفين عمري انا مني صغيره خلاص مافي سنيين قدامي مني عارفه اش اعمل الله يخليكم كلكم ابغا رأيكم