انا بس اتساءل انتي تعرفين انه عنده عقد نفسيه من صغره و انهم و عائلته ترعرعوا على ظلم المرأه
و زوجك بنفسه لايحشم امه و لا يقدرها
شكنتي تبين فيه
انا ما انصحك تبقين ولا تتطلقين
لكن اوجه لك سؤال شتتوقعين نفسيات هالاطفال بتكون لما يكبروا
ما استبعد انهم بيكونوا مثل ابوهم او اشد قسوه
وبذلك نخرج جيل سبب في تعاسه الآخرين
وبما ان عندك طفل عمره ما شاء الله 6 سنوات فعلى الاقل صار لك متزوجه مو اقل من هالمده
ستة سنوات او اكثر و صابره على هالظلم
مو معقوله
وهذا انتي و جامعيه و متعلمه
اتمنى ان البنات يحافظون على مكانتهم و كرامتهم ولا يسمحون لاحد يهينها و يمسح فيها البلاط من غير سبب
و اذا كان من بدايته كذه،،، ليش ربطتي نفسك معاه بثلاثه اطفال
مدري شقولك لكن الله يعينك على هالحياه و الله يصلح حاله
وربك قادر على كل شى