عاشقة الطفوله

اشكرك على مواساتك لي فالله هو الوحيد اللي يعلم بحالي...

احيانا اشعر باليأس وكان الدنيا سكرت في وجهي واحيانا تاتيني ساعات تفاؤل..

اشعر اني في سباق مع الزمن خصوصا اني تحت ضغط شديد من قبل اهلي واهل زوجي واصدقاءنا..

لو اقولك على المواقف اللي تحصل لي،، احس الناس تتعمد تجرحني وقاعدين يحاكموني كانه بيدي او بيد زوجي هذا الشيء..

تصدقي جارنا الباب امام الباب وهو صديق زوجي الحميم،، تزوج معنا في نفس الفتره ،، وكثيرا ما ياتي صديق زوجي ليسهر عندنا ويشرب ويأكل من ما لذ وطاب ،، تصدقي انه ما قال لزوجي الى الان انه زوجته حامل وفي التاسع كمان!!! انا اكتشفت بعد اجتماع للجارات وشفتها كرشتها قدامها وهي استغربت كيف زوجها ما قال لصديق عمره انه رح يصير أب بعد كم اسبوع!!
ما ابغى اظلم ولا ابغى اعرف اسباب انه خبى خبر حمل زوجته عنا ... لكن ما اقول غير الله يعطينا من ما اعطاهم ويباركلهم بما اعطاهم..

امي تقولي اكذبي على اهل زوجك وقولي انك تاخذي حبوب منع الحمل !! مسكينه امي خايفه علي انه احد منهم يجرحني بكلمه او كلمتين...

هههههه هذا غير مره كنا مجتمعين مع صديقات بنت عمتي ووحده من البنات اللي كنت دوبي اتعرف عليها سالتني عندك اولاد؟ قلتلها لا ... قالتلي : ايش مستنيه؟؟
كان نفسي ارد عليها اقولها مستنيه الباص يجي ياخذني عالسوبرماركت عشان اشتري البيبي!!!

كله كوووم ولما اخويا يتفلسف عليا ويقولي : ياللللله الحقوا عمركم جيبوا عيال ما يصير كذا ترى زوجك كبير (عمره 34) ولازم يلحق يجيب عيال قبل يصير عجوز!!


مادري ايش اقول ومادري ايش اسوي من جد ابغى ابكي ابغى اشكي الحمل ثقيييييييل عليا يارب ارحمني برحمتك يارب فرحني وفرح زوجي بالحمل القريب يارب ،، يارب عشان خاطر امي الست الغالبانه المريضه يارب فرحها يارب لا تشيلها همي فوف هم مرضها ...

يا بنات ايش اعمل في ال10 الاخيره من رمضان حرجع لمدينتي لزيارة اهلي،، والله يعيني عالكلام اللي رح اخذه سواء من عمات او خالات او قريبات او متطفلات........ اااااااااااه يارب انك اعلم بحالي وحال زوجي يارب فرجها يارب فرجها يارب فرجها..........


انا اسفه على الجو الغم اللي دخلتكم فيه بس زي ما قلتلكم ماعندي احد افضفضله غيركم..

يارب ارحمنا برحمتك...

__________________