أختي الكريمه:
أنا لما قلت لغة الحوار هنا أقصد "انجليزي" أسهل لي بالاسلوب و بالطباعه أسرع لكن الظاهر انه محظور... على العموم أنا بالعربي ماني زيك سريع وأدور الحروف دوره وعلشان كذا بختصر .... أبتسمي لأنك تحتاجين الابتسامه...

طبعا العشره مو هينه ولا بسيطه والطلاق ماهو الحل الأمثل ولو ان احتياجك غالبا عاطفي بالمقام الأول وجنسي بالمقام الثاني وهذه الامور هي اساسيات ومقومات الزواج الناجح... فيكذب عليكي الي يقول العاطفه والجنس استغني عنهم واتحملي.... لأن هالامور أساسيه ولا كل واحد يعيش في بيت أهله...

حلك الوحيد هنا الخصه بعدة أمور...
1) تغيير مفاجئ فيكي 180 درجه من ناحيته وليس البيت أو ألأولاد.... أنسي الكلام الحلو... أنسي تشترين أي شي أو تتذكرين أي شي له أو يتعلق فيه... أو حتى النوم في نفس المكان..... بيطنشك يومين لكن صدقيني بيبدأ يوسوس اش فيها؟ أيش صارلها؟ لايكون لقت حد غيري؟ الخ... صدقيني بتلعب فيه الأفكار بتوديه وتجيبه... وانتي اتحملي واياكي تضعفي...أنا ماقويكي على زوجك أختي بس انتي عارفه ردودي عليكي لكن اخر الطب الكي وهذا يحتاج كوي.... يحتاج هزه ونقله نوعيه في أفكاره ومنظوره لمتطلبات الحياة الزوجيه.... دومي على هالحال لأكثر من شهر واياكي تطلبي شي... خليكي بالبيت عادي وبارده معاه لكن لما تتكلمي بالتلفون خلي البيت كله يسمع ضحكاتك وانتي وشطارتك.... صدقيني بيمشي وفوق راسه ألف علامة استفهام

2) أشغلي نفسك وأفضل ان يكون خارج البيت...أشتركي مع صاحباتك وقروبات هنا واقترحي يوم للسهر ويوم تناقشو كتاب قرأتوه ويوم للرياضه.... الخ

3) حسسيه انك أنتي مستقله ماديا -ولو انه عارف بس ازرعي هالفكره انك تفكري فيها باستمرار- وتقدري تفتحي بيت او شقه على أقل تقدير ولو كنتي لوحدك ومدام اهلك موقفهم سلبي ولا يبون يتدخلون قولي الي بيجي يعيش معي اوكي ولا محد له شغل... لأن الي يده في المويه مو زي الي يده في النار...

4) عمري ماقلت هالكلمه ولا نصحت فيها لكن مالكي الا الصبر وذا خفتي من الانحراف عفي نفسك بنفسك...
5) تمنعي عنه حتى لو يبي - ما أدري عن الحكم الشرعي اذا كان اسلوب لعلاج تقصير الزوج - بس أنا اعرف انه محرم لو يكون بدون سبب