اختي قهر
كنت بطلع الحين لكني انبسطت يوم شفت ردك
اذا ندخل بالحلول العملية
زوجك يمشي معه اسلوب الحيلة
وتعالي بالباطل لتنالي الحق
بمعنى
عدم المواجهة
عدم المصارحة
اصلا هو ضعيف
لو هو قوي مااستخدم قوته واساليبه هذه على امراة
اذا ثقي بقوتك
ولو فكرتي انك يكفي انك تحملتيه انك سوبر وومن وامراة حديدية حتتذكري قوتك
لا تجمل ولا عناد ولا اي شي
سحر اللسان يا اختي
وحاقول لك شي
وسحر اللسان ياتي مع االاهتمام
وتمنعي وتاخذي بحلاوة اللسان
راقبي اسلوبك معه
وهنا تاتي القوة يااختي
قوتك بطلب ماتريدين منه و وتاخذيه وبنفس الوقت تحسسيه بالنشوة انه من يده وانه هو المتحكم والمسيطر
حتسئليني كيف
حاقول لك شاهدي المسلسلات السورية القديمة
وانظري للزوجة كيف تتعامل مع الزوج
ابن عمي
تقبرني
ماتناديه باسمه اصلا
ياسيد الرجال
ياعيني وتاج راسي
كلها اساليب من التذلل الكثير
طبعا هذا شغل حريم اول والا حريم هالايام لزوجها بالجزمة
زوجك بالضبط عامليه بهذا الاسلوب ولا تقهري نفسك
وبالحيلة خذي ماتريدينه منه
واحسبي كل كلمة قبل لا تقوليها
ولا حقران ولا مصران لانك بتخسري ايضا مو بس هو
وبيصير جو البيت مشحون
جربي لاسبوع واعطيني النتيجة
جربي تغيري اسلوبك معه
تنسيق للكلمات وترتيب لها
وان تبدئي بالتبجيل والثناء عليه كامراة ضعيفة مالها غيره
مو بالحب بابعد عيني
بينيها لقوته كرجل
لهيمنته كرجل
لرجولته وعنفوانه
ارضي يالغالية غروره ولو هو كلام بكلام
الكلام ببلاش
وبنفس الوقت اهتمي بنفسك وانوثتك
ولا تتشخلعي
لا تتشخلعي اعيد اقولها لك
خليها تجي طبيعية
يعني مو كان احد يسوس براسك اعملي وتغيري
ولاجل يكون التغيير تدريجي
ومنها افرضي شخصيتك وهيمنتك
فيه ناس مهم تتعايشي معها
وتجي بهذا الاسلوب
ومنه زوجك ياطويلة العمر
يحب المراة القوية لكن ماتستقوي عليه
وانت بتصيري قوية لكن بدون ماتستقوي عليه
وكله بالمنطق
اقري وثقفي نفسك دينيا واعرفي حقوقك يااختي
ولا تعارضي
وبقول لك سيناريو ولو ممكن تعطيني رائيك فيه
اول مايصحى زوجك
يلاقي الحمام مجهز له اذا هو يسبح بالصباح
وتجهزين له ثيابه
وتحرصين ان تساعديه باللبس وتعطريه وان تدعي له
الله يوفقك ياحبيبي وينور دربك الله يخليك لي ويخليني لك
يابختي بك عساه يكون اقبح خلق الله واكثرهم غلظة
وتكوني مجهزة له فطور
ومايطلع الا بسيل من الدعوات انتبه لنفسك فيه ناس يحبونك ينتظرونك
الله يسهل لك طريقك وينور دربك ويحفظك ويحميك من شر الطريق
حتى لو تعمليهم من قبل اعمليهم من جديد ولو ماتعمليهم برضه اعمليهم
وحتى لو استغرب
قولي له تستغرب اني اهتم بك وانت زوجي وحبيبي وتاج راسي
واشوف الدنيا من عينك
وبفرحتك اطير وماحس بالارض تحتي
وبزعلك تقلب علي دنيتي
(الكلام ببلاش )
ولما يجي البيت نفس الشي
حركات حريم اول
تستقبليه وعلى حسب اعتقد نوعية زوجك لا تقبليه فقط تنهضي له
وتكوني مجهزة ملابسه ولقمة ساخنة ياكلها
وطبعا من هالكلام اللي ببلاش
واسئليه كيف يومك
لو تكلم زين واسمعيه بانصات واثني عليه
ولو شي يزعل تقولي لا مو من حقهم
او تقطبي عن وجهك
تبيني انك مهتمة به وبكلامه ولو هو سخيف (مشيها عشان خاطري) ولو قال شي مهم او يثير التعاطف امسكي يده
ولا تفتحي اي سيرة لكلام عاطفي بلا هباب
خطتك المرة هذه لان تكسبي ثقته كامراة تحبه وماعندها هم بالدنيا غير انها تسهر على راحته
لو بغى ينام حاولي واغصبي على حالك تنيميه
وتدخلين معه بفراشه وامسحي على ظهره وعنقه وادعي له بدعاء قبل النوم
وقبلي جبينه
ان هو عنده احساس وبادلك المشاعر عيشي الجو وانبسطي
وان ماصار ماعليه تحملي
نحن قلنا لاسبوع من هذا المنوال وغيري وجددي
يعني مو نفس الوتيرة لاجل لا تقولي ماقلت لك
نوعي اسلوبك لكنه كله ينصب على الاهتمام به بدون مقابل
وبدون طلبات عاطفية
وبدون مرادد
ولا تحطميه ولا يحطمك
وولو كلمك كلمتين مزعجتين ان كنتي من نوعية الدمعة الساكبة طلعيهم
وان كنتي تحتفظين بدموعك اصمتي واتركي المكان
لا يشوفك ضعيفة
وبنفس الوقت بتدلعيه لكن ماتهيني نفسك
ولا تكسري حالك
وهذه هي القوة من ضعف
والضعف من غير قوة
فهمتي اش اقصد يااختي الكريمة
وعساك على القوة