جزاكم الله خير ريحتوني بكلامكم ..
أنا البارحة أرسلت لزوجي المسج التالي :
لما ترجع البيت راح تلاقيني شادة ومعصبة ..
وغصيا عني لأن الحق معاي ..
دورك ترخي ..
والسبب في هذا الكلام إن زوجي دايما لما يكون معصب يقول لي لما اشد إنتي رخي ..
ولما إنتي تشدين لازم أنا أرخي ..
وعمره مارخى ..
دايما هو الشاد وأنا اللي أدوس على مشاعري وكرامتي وأراضيه وأعطيه كلام حلو ولو هو الغلطان ..
لكن هالمرة قبل مايرجع البيت بينت له إني هالمرة أنا اللي راح أشد ..
وإني لو حاولت أرخي مو من مقدوري لأنه غلط في حقي ..
أقول لكم جزء من الموقف عشان تعرفون العيشة اللي عايشتها ..
صار لي أنا وبناتي أكثر من اسبوعين ماطلعنا من البيت ..
مو أي طلعة أقصد الترفيه ..
أنا خلال هالأسبوعين رحت مرة العيادة ومرة سوبرماركت عشان أغراض البيت ..
بناتي زهقوا تمللوا ..
تغيرت تصرفاتهم ودايما عصبيين وماعندهم شي يعملونه بالبيت غير التخريب والتدمير ..
ما ألومهم ..
أطفال ويبون يعيشون حياتهم ..
ماعندنا حد يجينا البيت ..
ولا نروح لحد ..
وبناتي هم الحفيدات الوحيدات لأهل زوجي ..
وأهلي في ديرة ثانية مثل ماتعرفون ..
يعني أنا محرومة ..
زوجي مايقعد بالبيت ..
ولا يعطينا من وقته شوي ويطلعنا ..
شالسبب ؟؟
مرة عشان نوقه .. ( جمال ) ..
ومرة عشان طيره .. ( صقر ) ..
كل يوم يقضي من العصر إلى الليل عشان يقابلهم ..
وإذا عنده وقت يروح يدور في المعارض يبحث له عن سيارة لأنه مايقدر يعيش على نفس السيارة ..
وهذه مشكلة أزلية ...
طيب
أنا قلت له مايصير جذي ..
خلنا طلعنا شوي شوف بناتك أشلون يتصرفون من الملل ..
محبوسين بالبيت ..
هله كل يوم يطلعون يروحون ويجون وأنا حالي من حال الشغالات اللي بالبيت ..
بناتي يتعلقون بأهلهم لما يشوفونهم طالعين ويبكون ويتمزق قلبي عليهم ..
قال لي أخلص من المطايا وأعشي طيري وآخذكم ..
جانا الساعة 9 إلا ربع ..
قلت له الوقت متأخر ..
قال مو مشكلة ندور لو على الأقل بالسيارة تغير جو ..
قلت له طيب ..
طلعنا بالسيارة قال لي باروح مركز الشرطة عشان أخوي عنده موضوع ..
أخذنا لعند مركز الشرطة ..
ووقف السيارة مقابل السور ..
وراح نص ساعة وتركنا بالسيارة ..
وأخوه ماعنده سيارة أخذ سيارتي ..
أرسلت لزوجي مسج ..
قلت له جيب لي مفتاح سيارتي من عند أخوك أنا باطلعهم شوي بنروح المجمع ..
لأنهم كانوا متمللين ما ألومهم أنا أكثر منهم ..
ركب السيارة ماجبت له طاري الضيق اللي أنا فيه ..
ومابينت له أبد ..
راح على طول بيرجع البيت ..
قلت له شوي بامر على المكتبة بغيت غرض ..
قال لي أنا رايح الدوام ما أبغي أتأخر ..
قلت له يعني إنت موقفنا نص ساعة عند المنظر الطبيعي الخلاب وألحين على طول بتنزلنا البيت ..
قال لي يعني بدل ما تفرحين لأني طلعتك ..!!!!!!!!!!!!!!
آآآآآآآآآآآه ..
ومد بوزه ..
قلت له لا مشكور فديتك ماتقصر خلاص مو مشكلة باروح البيت ..
قال لي لا خلاص باوديك المكتبة بعدين تروحين البيت وتمدين بوزك ..
قلت له لا ماراح أمد بوزي بس الظاهر إنك إنت اللي مديته ..
قال لي خلاص باوديك المكتبة ..
والكتبة قريبة من بيتنا يعني لا تتوقعون إني تعبته المسكين وخليته يطق مشوار ..
نزلت المكتبة بس لأني وعدت بنتي آخذ لها شي..
وهو بقى بالسيارة وقال لي لا تتأخرين ..
خمس دقايق وطلعت ..
نزلني البيت وأتصل باخوه قال له تعال شوي بنطلع ندور ..
!!!!!!!!!!!!!!!!!!!!!
المهم ..
نسيت أقول لكم بعد المسج اللي أرسلته له ..
رجع البيت نص الليل وبيده آيس كريم من باسكن روبنز يدري إني أحبه ..
وقال لي كلام حلو ويلطف الجو ..
على طاري الآيس كريم ..
مرة كنا في البحرين ..
أكتشفت إنه يكلم وحدة ..
وهو أنكر ..
رجعت الظهر بيت هلي زعلانة وهو في بيت أهله ..
وحبست نفسي في غرفتي ..
بالليل جاني ومعاه صحنين بيتزا من المخبز ..
الصحن بريالين وفيه 4 حبات بيتزا صغيرة ..
وطبعا ما أعترف ..
بس هذا ضميره أنبه وعوره قلبه علي وجاب لي يراضيني ..