بعد كل هالمدح في زوجك .. وصفاته الحلوه .. الله يخليه لك ويحميكم من العين .. تبغين تزعلين ببيت اهلك ؟؟؟
اكيد غلطانه اختي العروس ولا عندك حق .. ما يستاهل زوجك .. حرام
عزيزتي .. ليش تبغين تغيرين غرفة النوم ؟؟ يعني يمكن زوجك يشوف انها جديدة ومالها داعي للتغيير ..
انتي تعملين ؟؟ يعني لك راتبك ؟؟ إذا جوابك لأ .. يعني كل مشترياتك ومصاريفك من خيره هو ..
اقتباس:
|
هو مايقصر يعطيني فلوس بس انا ما اعرف اجمع وكم مره اخذت منه
|
الظاهر ان المشكله عندك انتي .. من كلامك احس الرجال مو مقصر .. ولا في حد يسوي اللي هو يسويه .. خذي لفه في اقسام المنتدى .. وشوفي كلام النساء عن ازواجهم .. اللي بخيل .. واللي هي تصرف على البيت كامل .. واللي واللي .... الخ. وانتي على طيبته معاك تبغين تتركينه لبيت اهلك .. والله انهم بيقولون عنك مجنونه .. (عذرا على الكلمه) .. بس من جد ما عندك حق ..
فكري عزيزتي .. يمكن تكونين ذات طلبات كثيره .. يمكن تكونين محبه للتغيير وخاصة في اثاث البيت .. وهو يشوف ان الاثاث توه جديد وما يستحق التبديل ..
هذا زوجك تخلينه بعيونك وتسكرين عليها .. انتي تقعدين معاه لمن يناديك وهو مشاهد التلفزيون ويقبل يدينك وتقولين له .. يا زوجي يا حبيبي ياللي ما منك اثنين .. انا ابغي " تمشيلي مصروف كل شهر .. هو اكيد ما راح يقصر .."
الله يخليكم لبعض .. لا تخربين بيتك بيدك ..
__________________
الى زوجي
يهمك تعرف اوضاعي ..؟ انا مستانس وطيب
انا مثل البحر تدري .. يثور وتركد امواجه
ابد .. لا يزعجك حزني ..! تأكد .. خاطري طيب
حبيبي ذاك هو طبعي .. احب الحزن واحتاجه ..!
وتنشدني عن أوضاعي ..؟ ارد واقول: انا طيب
مع اني صدق بغيابك .. لا طيب ولا حاجه ..