|
المشاركة الأصلية كتبت بواسطة متابعة2
حبيت بس اخفف عنك لانه صدقيني مافيه حل لمثل حالتك زوجك خاصه ان كان لكم سنوات على هالحال!
اكيييييييييد انتِ تجلسين في التجمعات النسائية وتسمعين الحش عفوا اقصد السوالف وكل وحده تسب وتتشكى وبعضهم ليس فقط من الناحية الي مضايقتك بل اسوء معها ماديا نفيسا او من اهله ايضا ليس فقط العلاقه العاطفيه او الجنسية لهذا اقول الحل صارحي زوجك بقصص يعني قولي صديقه لي تطلقت وسبحان الله تزوجت برجل اخر وعوضها ربي باحسن من زوجها الاول وكلمتني وهي سعيده الان معه وتقول الحمدلله اني افتكيت منه وما تحب تتذكر زوجها الاول لانه كان حارمها من اشياء كثيره يمكن تذكر احيانا بسبب الاطفال لكن قولي معقوله الوحده يوصل الامر معها انها تقرر الطلاق وتنسف كل شيء عشان تبحث عن راحتها وسعادتها ممكن يوصل الامر لكذا!!
وحاول تفضفضين له لا تخلين ولا شيء بداخلك قولي له انا ماني مرتاحه معك ولا تخلين شيء بخاطرك ماقلتيه .. وشوفي كيف رده فعله !؟؟
لأني ما اخفيك بعض الرجال الان لما يبحث عن الزواج الثاني او يبي يتزوج تحسين انه يدور على الجمال وعلى الجنس بعد!! واكثر شيء عن الرغبه الجنسية الي فاقدها مع زوجته يعني مالقى حل إلا الزواج عليها وسبحان الله بعض الزوجات الاولى من الغيره يتعدل حالها مع زوجها من الناحية هاذي !! لمايتزوج 2
انت صارحي زوجك بكل شيء لانه لما يكون الرجل فاقد هالامور يقدر يلقى له حلول ترضيه ويعوض النقص الي يشعر به اما الزوجه! فالكل يقول لها اصبري تحملي والله يستر ما ندري وش آخرتها!
العذر والسموحه لو كان كلامي كدر خاطرك اعتبريه مجرد سوالف!!
فرج الله همك واصلح الله حال زوجك معكِ سبحان الله بعض النساء حظها طايح!!
|