اقولك متى اظن انه مايكون عندك ثقه فنفسك؟
- لما تحاولين تدلعين وتستعرضين انوثتك قدام زوجك او خطيبك وتحسين نفسك سخيفه وتافهه ومو لايقه عليك هالحركات او التصرفات
- -لما تدلعين عليه وانتي بينك وبين نفسك تقولين أكيد شكلي طالع مصطنع ؟ اكيد حركتي هاذي بايخه؟ اكيد ماحبها ولا اثرت فيه هالحركه
- - واذا تجرأتي وسويتي كم حركه وامتدحها بتقولين لنفسك يجاملني ؟
...فترة خطوبتك او بداية زواجك مرحله جدا رائعه انك تقوين ثقتك بنفسك وتقوين شخصيتك وتطورين نفسك كأنثى وكزوجه ..
في اشياء كثير تساعدك..
- اول شي غالبا يكون غريب عنك شخصيا حتى لو كان من قرايبك بحكم عاداتنا وتقاليدها ..فكري فيها زين .. هو مايعرف عنك شي مايدري ان كان ابوك يضربك من وانتي صغيره وطبعا مافي داعي تقولين له ؟... مايدري ان خواتك يعايرونك من وقت للثاني او يعلقون عليك بمزح عشان جسمك مليان حبتين ..ولايدري انه ماكان لك صاحبات كثير فالكليه لانك كنتي تستحين تكلمين احد او تنفتحين فالكلام قدام احد لانك تخافين ينتقدك او تخافين تغلطين بشي ..هاذي حياه جديده ... واسألي أي وحده متزوجه بتقولك ان شخصية البنت تنقلب 360 درجه مع زوجها عنها مع أي احد ثاني سبحان الله حتى نبرة الصوت تتغير نظرات العين تتغير .. مشاعرك تصحى وقلبك واحساسك ينفتح لهالحياه الجديده
بس انتبهي تفكرين بشي فات ؟..ادري تبين تلفتين نظره لو ماتجرأتي تحاولين تسلبينه بكلامك واسلوبك وشخصيك.. بتجرأين زي كل بنت فالدنيا انك تكشخين وتلبسين وتتزينين باقصى درجه ..فهالفتره اللي هي الخطوبه او بداية الزواج ان ماحصلت اعرفي انك انفتح ملف جديد فشخصيتك ماقد حسيتيه ولاشفتيه من قبل .. لاتكبلين نفسك بحيالخوف ....لاتقولين مابيتقبلني .. لاتستحين تحاكينه ولاتستحين تضحكين له ضحكة قلب وضحكة سن ...انسي التجارب السيئه اللي تزعزع ثقتك... اللي قدامك صفحه بيضا اكتبي اللي تبينه مع زوجك... بس مو مكتوب فيه أي شي ينقصك قدام نفسك ولاي نزل من ثقتك ولايشوه صورتك الجديده .. انتي كامله قدامه بثقتك وبشخصيتك... خليه يقيبلك زي مانتي بطبيعتك.. وش الداعي انك تقولين له من خلال تصرفانك ان فلانه ماتقبلتك وفلانه ماتحب لبسك ولا خواتك قالوا عنك دبا ولا ينادونك السمرا ولا أي شي ليش ..ليش تعطينه صوره سيئه عن نفسك بنفسك حتى لو ماكان بكلام ... انفتحت لك صفحه جديده عيشيها ... ماكنتي تقدرين تتزينين؟ تستحين ؟ يطنزون عليك كل ماتزينتي؟ طيب الحين تقدرين تتزينين ولك كامل الحق تسوين اللي تحبين دامه مايخالف دينك... انتي معه وفبيتك..انسي اللي مر قبله .. حتى اللي يمر معه فحياتك بس من الناس مو منه انسيه ...عند عتبة بابك ارمي الانتقادات وارمي التحطيم وارمي كل شي وادخليله الانسانه اللي يحب ويبي .. خليك ذكيه وعيشي حياتك زي ماتبين .. والحين اذا عرفتي تلمين بقايا ثقتك ..انا بقولك انها ماتكفي لحالها عشان تدلعين لحبيبك وزوجك والبنت اصلا ايش من دون الانوثه والدلع والمشاعر والحنان والاخلاق ..بس هاذي لازم تجسدينها انتي بيدك عشان تعيشينها ...عشان ترسمين مايكفي تكون عندك الموهبه ؟
لكن الاهم يكون عندك الريشه والالوان ... وتطلعين احساسك وابداعك على لوحه على ورقه على الجدار ر مايفرق المهم تطلعينها .. وهاذي انوثتك تطلع يوم فضحكه ويوم بلمسه ويوم بصوت حنون ويوم بضمه دافيه ..بس لاتسجنين روحك جوا جسمك.. روحك تحرك جسمك روحك اللي تبقى وجسدك بيمرض يوم..وبيتعب يوم.. وبتزحف عليه التجاعيد يوم..وفيوم بيصير تحت التراب ويختفي ..روحك الحين بيدك توديها قاع الارض ولا ترفعينها لاعلى سما ... بيدك انتي تسعدين روحك ونفسك بطاعة ربك ومن بعده زوجك..بيدك تنسين وتداوين جروح الماضي .. ادري انك رقيقه وكل شي يأثر فيك.. وادري ان كل كلمه قدامك او من وراك توصلك او تحسينها تنهش ثقتك بنفسك...ليش فيوم لما ترجع لك ثقتك كامله مكمله ترجعين تشكلينها زي ماكانت قبل تجدد.. ليه تشوهين الصوره الحلوه .. ليش تستخسرينها بنفسك.. صدقيني انك تستاهلين .. انتي قيمي نفسك.. محد له حق يقيمك انتي ادرى الناس بنفسك.. ... والحين تعالي نروح للواقع ولاول جلسة بنات بنقعد فيها
جلساتنا يالبنات
أي هين مايليق الدلع اللي علي انا وهالشوشه
ولا تكفين انا وركبي السود وش الدلع اللي بيليق علي !
واللي تعلق على جسمها واللي على صوتها واللي على لونها
طيب يعني انتي مخسوفه خسف مافيك شي يفتح النفس ؟ ولووو وش دعوه
شعرك؟
طيب عيونك؟
طيب بشرتك وش اخبارها ؟
طيب جسمك؟
طيب صوتك؟
طيب شفايفك؟
طيب اللولو اللي بفمك ماتحسين انه حلو
طيب لو قلنا كل ذولي مو فيك
شعرك
تعالي قوليلي عن شعرك؟
مو ناعم مو طويل ؟ تحسين انه مايليق بوحده دلوعه؟
طيب الحين كل المستحضرات اللي فمحلات التجميل وعند المشاغل ماتحل مشكلة شعرك المستعصيه؟؟
لاحظي هنا اني ماتكلم عن علاج؟ انا اتكلم عن تجميل واخفاء ماياخذ وقت اسابيع وشهور زي العلاج
__________________
أحبتي في الله لاتنسوني من صالح دعائكم
ان يجمعني الله بخطيبي فأسعده ويسعدني دنيا وآخره
وان يهب لأختي الزوج الصالح ولجميع بنات المسلمين
ويهب لشباب المسلمين الزوجات الصالحات..
