حبيبة قلبى كريستالا ربنا يخليكى ليا و تدعيلنا كلنا و الله انا كمان بدعيلكم جميعا فى ساعة الفطار و ان شاء الله ربنا يتقبل منا جميعا
اما يا ست البنات عن رمضان فى الكويت فى اه سهرات بس مش ذى مصر خاااااااااااااااااالص الجو فى مصر مختلف سبحان الله مصر تلاقى كل حاجة اللى بيروحو المساجد عشان صلاة التراويح و التهجد و الاعتكاف فى المساجد و بروض تلاقى خيم رمضان و اللى بيسهروا فيها
اما عن الطقوس اللى فى الكويت انا بصراحة مشفنش حاجة غير الازدحام على السوبر ماركت مش لاقيه حاجات ذى مصر
مصر بنعرف ان رمضان قرب من كتر المحلات اللى بتبيع الفوانيس تلاقيها مالية الشوارع و فى بعض المناطق تلاقى الاطفال تنزل و تعلق الزينات فى الشوارع من بيت لبيت و تلاقى الزينة دى كمان منورة و بينزل من منتصفها الفانوس الكبير المنور و كمان تبصى على البيوت لازم تلاقى على الاقل بلكونة فيها فانوس منور طول الليل
و على طقوس رمضان تلاقى الاهل كلهم يتسابقو مين حيعزم الاول عنده على الفطار تلاقى الناس قبل الفطار بعربياتهم بتجرى اللى يوزعو زجاجات امياه المعدنية و اللى عاملين وجبات افطار فى بيوتهم بيوزعوهم على العساكر و المحتاجين موائد الرحمن اللى ماليا الشوارع تحسى الخير كدة مالى الشهر كمان تلاقى اذا حد اتاخر بره بيته ساعة الفطار تلاقى الناس كلها بتجرى على العربيات اللى بيوزع تمر و اللى بيوزع ماية و تسمعى صوت المدفع بتاع الفطار و اطفال الحى بترمى البمب عشان يعملو صوت المدفع
و كمان بعد الفطار بنروح الحسين الجو الروحانى اللى هناك بيكون تحفة كمان فى رمضان و السحور عند "الجحش" (ده محل فول فى منطقة السيدة زينب) حاجات كدة كتييييييييير قوى
لمة صحابنا عندنا على الفطار او السحور و نفضل سهرانين لحد الفجر و نصلى كلنا مع بعض جماعة حاجات و الله انا واحشانى قوى
ممكن تلاقى حاجات هنا فى الكويت اجمل بس اللى انا اتعودت عليه اكيد اطعم من اى حاجة فى الدنيا
بالمناسبة انا عارفة طبعا البنت اللى انتى بتتكلمى عليها هى فعلا بينت ذى العسل تتاكل اكل ربنا يحميها يا رب و يفرح اهلها بيه ان شاء الله
انتى كمان قوللينا ايه نظام رمضان فى السعودية بتعملو ايه؟
ربى لا تذرنا فردا و انت خير الوراثين
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة