إلى صاحب الظل الطويل كلامك أبكاني بشده أما بالنسبه لأبوي فأنا أكلمه وأسلم عليه بس أفتقد لهذاك الإنسان أللي بالرغم من مشاغله ألا أنه لازم أكون متغطيه وأنا نايمه أكلت قبل لا أنام جته فتره أو بالأصح مره حاول يضغط على نفسه ويجي لبيتي ويتعشى عندنا وللأسف صار اللي ماحسبت حسابه أن زوجي يغار من أبوي وأبوي يغار من زوجي يوم مسكت الصحن وقلت لهم ممكن أحد يحط لي دجاج وصار الصراع على الصحن كل واحد يقول أنا أللي بحط لها وبعدها أبوي صارت مايربطني به ألا الجوال أنا مقدره حب أبوي لي وعارفه أنه ضحى عشاني بس هذي الحياة والحياة لازم تمشي (تجري الرياح بما لاتشتهي السفن)
زوجي مايقصر معي بمصروف بس أنا لمن شافني بالشوفه الشرعيه قال لي عندك شروط قلت له أيه عندي قلت له أنا أبي أعيش حياة سعيده ماأبي مشاكل أنا مستعده أعيش معك بصندقه بس أبي نام وأحنا مرتاحين مستعده أكل خبز يابس بس مع كلمه حلوه .....