اختي بحرينية الحمد لله على تطور الامور
يااختي زوجك مقدور عليه يالغالية
اسئلني وانا اختك
اذا مشكلته بس هذا الاسلوب ونظرته مقدور عليه
وزين بلغتي امك
اهم شي يااختي ماتصيرين معه بموقف عناد او تحدي
هو كان يبي يصلح الامور لكن طبعا الكرامة والمعايير الاخرى والحين جات من امه فشي طيب
واضح انه مايحشم اهلك
لكن يااختي نوعية زوجك وهي كثيرة يبي له وحدة تسايره
ارجعي لرد احلام المحيط مثل ماقاله او قالته
سايريه وياحبيبي ويابعد قلبي وبحلاوة اللسان مشي اللي تبينه
اسلوب انك تتعاملي معه بنضج وعقل انسيه على الاقل حاليا
ونفس الشي بالنسبة للخطا انه يفتعل المشكلة ويستفزك للغلط افهميها من نفسك واحشمي نفسك عنه
وقولي له لو تطاول لو سمحت انت ماتحب اقول لك هذا الكلام فلا تقوله لي واطلعي عنه
احشمي نفسك عنه يااختي حشيمة نفسك ولاجل لا يجرحك ولا يوتر لك اعصابك
انت قلتي عنه وقريت احد مواضيعك زوجك غير مسؤوول
وماعنده استعداد يتحمل مسوؤلية استقرار البيت الزوجي
ولو عليك لوحدك هينة
لكن عليك وعلى بناتك مشكلة
بنصحك بنصيحة ماقدرت انفذها لنفسي حاولي توجدي لك عالم غيره غير عالم النت
صديقات مثلك تطلعون مع بعضكم ومع بناتك
ترتبون لكم علاقات
والشي الثاني طالما امه لها يد عليه قوي علاقتك فيها
وعندك رمضان هدية ولموقفها هذا خذي لها هدية معايدة برمضان
وحاولي تجلسي معها من وقت لاخر
يااختي صدقيني لو علاقتك طيبة مع امه بيتقرب لك و سيعزك وواضح ان امه حقانية وماودها لخراب بيت ولدها
الان اتركيه هو من حساباتك قليلا ويكفي عليه انك تسمعين كلامه ولا تستفزيه
ولا تطلبي منه شي الا بكل كلمات الحب واحيانا التذلل كوني له امة يكن لك عبدا لكن بدون ماتتنازلي عن حقوقك وبدون ماتسمحي له يهينك
والله يهدي القلوب