السلام عليكم ورحمة الله وبركاته

وكل سنة وانتو سالمين وينعاد عليكم بالخيرات والليرات

قبل لأبلش بحب اقولكن برضاي عليكم لاتلوموني والله الي فيني مكفيني

السالفة او مشكلة عمري طريقة تفكيري المخالفة لطريقة تفكير ابو وليد

ابو وليد عاش وتربى ببيئة خليجية خشنة وانا عشت وتربيت ببلد اوربي يعني غربة بس من اصل عربي


والمشكلة الثانية

انا عنيدة وهو عصبي يعني فيكو تتخيلو

عنادي بيزيد عصبيته

بعطيكم مثل قلت إله بروح لشي مكان وقال لأ وربي ما اعود اطلب منه شئ إن شاء أضل بالبيت شهرين

وما اطلب منه ياخدني لمكان

هذا بس مثال بسيط

الشئ الثاني وبلا ما أتطرق للتفاصيل انه عم احس بصراع بمخي بين حكيه وبين الشئ الي تربيت عليه

وقنعاتي
يعني لما يقول كلمة وانا متأكدة انه غلطان برد عليه بتزيد عصبيته وإن ما رديت

ضلني طول النهار احس بإهانة وضياع حقي في انه اعبر عن رأي

هذول المشكلتين هن فقط الي معكرين حياتي عدا هيك ربنا مفضل علي بنعمه وزوجي ولله الحمد انسان

واعي وملتزم وطيب ماشاء الله

صار لنا11 سنة متزوجين تأقلمت مع نظام حياته وحكيه وثقافته بس في اني اسكت ما قدرت اضب

اللساني

والله بعترف انه لساني متبري مني بس هيك أنا الي بقلبي ع لساني وبقول الكلمة ولو يزعل زوجي

هو كثير يقولي يا حرمة لاتعانديني وما بيصير الا خاطرك طيب

بس دائما بعقب وبقول أنا مني حرمة مدري ليش هالكلمة حرمة عندي فيها تقليل من شأن المرأة

الطامة انه كل الحلول بعرفها بس فيني عزة نفس بتخرب بيتي ذا ضلت هيك مرتفعة



والله ما احب اشتكي لحدا لانه كلن فيه الي مكفيه بس مدري احس انه تعبت وطفشت

وهيك ماعاد يمشي الحال

والله بحبه لزوجي وعندي اياه بالدنيا بس آآآه لو ما كانت هذيك العصبية

ع فكرة بس احاكيه يقول انا هيك تربيت

وعنادا فيه بقول وأنا كمان هيك تربيت

بشو تشورو علي

أم وليد


تم تعديل العنوان ..

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين