اختي الحبيبة
ولو اني مفعوصة بجانبك يعني لانو 6 شهور زواج
لكن حابة افيدك
((( قال يعني خبيرة )))
العناد اسوأ شي بكرهو الرجل في المراة
حاولي تبطليه
مابعرف كيف بس لازم تبطلي
زكرتيني باختي
هاي ازا طلبت من حد اشي وماعاطاها اياه
خللللللللص الحياة انتهت ولاعمرها بتطلبو تاني ابداااااااااااااااااا
بس هية ماتزوجت لسة
صدقيني حاولي
ممممممممم مش عارفة كيف اقلك
بس انت جربي مرة ماتعاندي وشوفي كيف حتحسي انو موقفك حلو
يعني لما تمشي كلامو وهيك
بس تزعلي وتكوني حرااااااام مسكينة
وقتها راح يحطك فوق راسو
ولما بقلك ياحرمة (((مش قصدو مجرد كلمة متعود عليها)))
لما يقلك ياحرمة طاوعيني بتكسبي معاه حق والله
الرجال مابحبو الراس الكبير والعناد صدقيني
بعدين الزواج جميل جدا وحلو ونعمة من الله لكن لها مقابل وهي حريتنا نحن البنات
يعني انا سعيدة جدا مع شادي وكل شي
لكن خلص الوحدة بتتقيد
يعني خلص اضربلك مثال
مرة قلي ماتلبسي الشيلة الحمرة عشان ملفتة والناس هون بطلعو كتير
انا عملتها مسالة فكر وراي و كرامة و ارادة وحرية واستقلالية
وبوزت وحالتي حالة
وضليت طول الطلعة مبوزة وبالمرررررررررررررة ورجعت عملت خناقة
شفتي ضيعت عحالي كل شي
لكن الرجال معاهم حق
لانو مرة لبستها ماتتخيلي ماضل حد الا اطلع مع انها لونها لطيف ومع اسود بس خلص
اولها كنت انقهر واحس انو شووو هادا وين حريتي
لكن بعدين اكتشفت انو الرجال بفهمو اكتر منا وانو بكون معاهم حق
وانو باخدو احتياطاتهم وبفهمو واحنا بناخد الدنيا ببساطة اكتر
لكن هما الي معاهم حق
فعادي صرت احس انو ياشيخ مشي وانسي
وانو شغلة بسيطة مش مستاهلة ماتكبريها وتعمليها قصة راي ومدري شو
مابقصد انو انا مكتومة وماالي ارادة وحرية في بيتي
لا مش هيك
بس انو في مواضيع الرجال بشوفوها من منظور تاني وبدهم مصلحتنا فلازم نسمع الكلام
اما مواضيع الحياة والنقاشات
طيعا لازم احكي وباخد راحتي
بس قصدي لما تلاقي الرجال مصمم على راي معين
وبالنهاية ازا نفذتيه ماراح تخسري كتير يعني
مشي وخلص لان الرجال قوامون عالنساء
اما اللسان وماادراك فانا نفس قصتك
بس كان تعملي مشاكل والله
وكان شادي يزعل مني كتير
ويقلي مش حلو الست ترد في تم زوجها وهما بتخانقو
وانا ماكنت ارد عليه
بالاخر حسيت انو معاه حق وانو صرت دايما انا سب الخناق
وفعلا بتحسي انو اوف لازم احكي يعني لازم احكي والا بموت
بس انا جربت انو اسكت
واعمل حالي مسكينة
واكتئب
واطلع برة الغرفة
بكسب بالنهاية وبيجي يصالحني وبتحول الموقف لصالحي
السكوت عند الخناق مهم من طرف الزوجة
لانو كل ماحكيتي كل ماالرجال عصب
وكل ماعصب كل مخربت الدنيا
بعدين اسكتي شوي وبس تهدو وتتصالحو بتتناقشو وبتحكو كل شي
اناهيك صرت احاااول اسكت ومابنكر اني بموت وبطق
بس لما نتصالح عطول بصير احكي
او ممكن تعملي متلي
اكتبي ايميل
بس برضو مش حلوة
لانو بتصبح بوش ايميل زي هيك
فصار يدايق شادي
بس بقلو انت بتعصب وانالازم احكي
المهم بالاخر صرت اكتب الايميل بصيغة هادئة ونقاش وحب
مع اني بكون مفقوعة بس بحكي يلااااااااا بهمش
فانا هيني دربت حالي وتخلصت من بعض الاشيا
حاااااااااااااااولي
وبعينك الله
حاسة فيكي
تخلي عن العناد
انا شادي بقلي احلى مافيكي انو مش عنيدة
صدقيني العناد فظيع
تخلي عنو
وانت ادرى مني اكيد
والله يوفقك
وبجد انا نفسي اتعرف عليكي كتييييييييييييييييييييييييييييير